Sumu 67:1 - Tonga Bible 1986

¹ Chiuta, mutichitiye wezi mutitumbike, mungweruske chisku chinu paku ifwe.

Sumu 67:1 Referans Kwoze

Sumu 4:6

Mbanadi wo ŵatiti, “Owe mphanyi tinguwona cho nchamampha! Kwezgiyani kungweruka kwa chisku chinu paku ifwe, A Chiuta!”

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Sumu 4:1

Mundamuke ndichidana, A Chiuta imwe mwe urunji wangu! Imwe mungundipaska malo po ndenga musuzgu. Ndichitiyeni wezi, ndipo vwani rombu langu.

Sumu 119:135

Nditumbikeni ndi uŵapo winu, ndipo ndisambizgeni marangu ghinu.

Sumu 31:16

Chisku chinu chiŵaliye pa mteŵeti winu; nditaskeni mu chanju chinu chikuru!

Sumu 80:19

Tiwezgeni, Ambuya Chiuta wanthazi zose! Tirongoni chanju chinu, alinga kuti titaskike!

Sumu 80:7

Tiwezgeni, A Chiuta wanthazi zose! Mutirongo chanju chinu, alinga kuti titaskike!

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

2 ŴaKorinte 13:14

Wezi wa Ambuya Yesu Kristu, ndi Chanju chaku Chiuta, ndiŵanase wa Mzimu Wakupaturika vikuŵiyeni imwe mose.

Sumu 28:9

Taskani ŵanthu ŵinu, ndi ŵatumbikeni wo mbakumwaŵeni, muŵe imwe mliska wawo, ndipo muŵanyamuwe muyaya.

Marangu 21:8

Gowokiyani, Ambuya, ŵanthu ŵinu ŵaYisraele, ŵeniwo mukuwombo; ndipo rekani kuŵika kalema ka ndopa zambura kalema mukati muŵanthu ŵinu ŵaYisraele, kweni chitani kuti kalema ka ndopa zo kagowokeleke kwaku wo.’

Sumu 6:1

A Chiuta, mungandichenyanga mu ukari winu, nanga nkhundilanga mu kandundu kinu.

Sumu 76:1

Chiuta waziŵikwa mwaku Yuda, zina lake ndikuru mwaku Yisraele.