Sumu 65:8 - Tonga Bible 1986

⁸ Charu chose chichita mantha, chifukwa cha vinthu vikuru vyo mwachita. Machitidu ghinu ghapereka likondwa likuru kutuwa ku chigoti chimoza cha charu chapasi mpaka ku chigoti chinyake.

Sumu 65:8 Referans Kwoze

Sumu 148:3

Arumbeni, dazi ndi mwezi; arumbeni, mwa nyenyezi za kuŵala!

Sumu 136:8

lumwi kuwusa ndi msana, chifukwa nchamuyaya chifundu chake;

Sumu 126:2

Mlomo widu unguzazika ndi kuseka! Ndi lilime lidu kukambura kwa chimwemwe! Sono mitundu yatinge, “Ambuya aŵachitiya vinthu vikuru!”

Sumu 74:16

Ngwinu msana, usiku nawo ngwinu; mukumika dazi ndi mwezi mu malo ghawo.

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.

Sumu 135:9

Kwenikuwa anguchita minthondwi ndi vyakuziziswa kumulanga Farao ndi nduna zake zose.

Sumu 19:5

lo lituwa nge ndimo mwali wanthengwa watuliya mu chipinda chake, ndipo lisekere nge nchinkhara kuchimbiya mu nthowa yake.

Sumu 2:8

Ufumbe kwangu, ndipo ndichitenge mitundu kuŵa chihara chako, ndi nge nchakusakata chako vigoti vya charu chapasi.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Sumu 66:3

Nenani kwaku Chiuta, “Zakuziziswa nchitu zinu! Nthazi zinu zikuru ukongwa, reka ŵarwani ŵinu ŵakotama ndi chitenthe paurongo pinu.

Sumu 65:13

Malisuwa ghavwarikika ndi miskambu; madambo ghafukika ndi trigu, vikambura ndi kumba mu chimwemwe!

Jobu 38:12

“Kumbi waulanguliya mlenji kutuwa po ukuwiya, ndi kuchita matandakucha kuziŵa malo ghake,

Chiyambo 8:22

Chichalipo charu chapasi, nyengo yakumija ndi kuvuna, kuzizira ndi kufunda, chihanya ndi chifuku, zuŵa ndi usiku kuti vikamaranga cha.”

Sumu 89:10

Munguphwanya njoka ya Rahabu ndi kuyibaya; ndi nthazi zinu zikuru munguthereska ŵarwani ŵinu.

Sumu 107:29

Anguchetamiska chimphunga, ndipo mayigha ghanguja chisisi.

Yesaya 17:13

Mitundu yi wuruma uli nkhuwuruma kwa maji ghanandi; kweni wakaŵakaripiyanga, ndipo ŵakathaŵiyanga kutali, kudikiskika nge ndi mwere pa mapiri paurongo pa mphepo, ndi fuvu la kavuruvuru paurongo pa lirondo.