Sumu 65:5 - Tonga Bible 1986

⁵ Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.

Sumu 65:5 Referans Kwoze

Marangu 10:21

Ndiyo unkhankhu winu, ndiyo Chiuta winu, mweniyo wamuchitiyani vinthu vikuru ndi vyakofya, vyo maso ghinu ghawona.

Sumu 66:3

Nenani kwaku Chiuta, “Zakuziziswa nchitu zinu! Nthazi zinu zikuru ukongwa, reka ŵarwani ŵinu ŵakotama ndi chitenthe paurongo pinu.

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Sumu 45:4

Mu kuziza kwako ugarenge ndi kupunda chifukwa cha uneneska ndi kuvikiriya urunji; janja lako lakurghiya likusambizge vinthu vyakofya!

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Yesaya 66:19

ndikamikanga chisimikizgu mukati mwawo. Ndipo kutuwa mwaku wo ndikatumanga ŵakujapo ku mitundu, ku Tarshishi, Puti, ndi Ludi, ŵeniwo ŵatweŵa uta, ku Tubala ndi Javani, ku vyaro vya mu malikumba kutali ukongwa, wo ŵalivi kuvwa mbiri yangu pamwenga kuwona unkhankhu wangu; ndipo wakataulanga unkhankhu wangu mukati mu mitundu.

Yesaya 51:5

Uwobozi wangu undere ruŵi pafupi, utaski wangu watuwa, ndipo manja ghangu ghakeruzganga ŵanthu; vyaru vya malikumba vitindilindizga, ndi vigomekezgu mu janja langu.

Chivumbuzi 16:5

Ndipo ndingumuvwa mungelo wa maji gho, wakuti, “Ŵarunji Ndimwe, Mwaŵakuŵapo, ndi mwenga, mwaŵakupaturika, mwe, pakuti mweruzga viyo!

Zekariya 9:10

Ndidumuwenge gareta lakutuwa kwaku Efraimu ndi kavalo wankhondo wakutuwa ku Yerusalemu; uta wankhondo nawo udumulikenge; ndipo wakambenge chimangu ku ŵa mitundu. Ukaronga wake wambenge kutuwa ku nyanja kwachifika ku nyanja, kutuwa ku Msinji kwachifika ku vigoti vya charu.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Yesaya 60:5

Sono ŵakawonanga ndipo ukaŵalanga ndi chimwemwe mtima wako ukaziyanga ndi kujikuzga; chifukwa usambasi wa nyanja ukang'anamukiyanga kwaku iwe, usambasi wa mitundu ukazanga kwako.

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Sumu 85:4

Tiwezgeni, A Chiuta mtaski widu, ndipo tayani kukara kwinu paku ifwe!

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Sumu 107:23

Ŵanyake ŵendanga mu nyanja mu zingaraŵa, ŵakuteŵete maumoyo mu maji ghanandi.

Sumu 36:9

Pakuti chisima cha umoyo che ndi imwe; mu kungweruka kwinu ifwe tiwona ukweru.

Sumu 84:5

Ŵakutumbikika mbanthu wo nthazi zawo zituliya kwinu, wo mu mtima wawo mwe nthowa yaku Zioni.

Hagayi 2:23

Pa zuŵa lo, atiti Ambuya ŵa maŵanja, nkhakutonga, Zerubabele muteŵeti wangu, mwana waku Shealtiele, atiti Ambuya, ndi kukusanduska nge ndi mphete ya chidindu; chifukwa ndakusankha iwe, atiti Ambuya ŵa maŵanja.”