Sumu 63:5 - Tonga Bible 1986

⁵ Mzimu wangu ukarghanga dghera, ndi kuguta, ndipo ndimbenge sumu zakukonda zakutumbika imwe.

Sumu 63:5 Referans Kwoze

Yesaya 25:6

Pa phiri lenili Ambuya ŵa maŵanja akachitiyanga ŵanthu wose dghera la vyakututuŵa, dghera la vinyo wapa visika, la vinthu vyakututuŵa vya mafuta ghakubwituka, la vinyo pa visika vyakukung'untha umampha.

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 135:3

Rumbani Ambuya, chifukwa mbamampha; mbiyani marumbu ku zina lawo, chifukwa mba ulemu,

Sumu 71:23

Milomo yangu yikamburenge ndi chimwemwe, po nditumumbiyani marumbu; ndikuŵerenge ndi unthu wangu wose, chifukwa imwe mwandiwombo.

Sumu 65:4

Ŵakukondwa mbeniwo imwe musankha, wo mutiŵajarika mumalo ghinu ghakupaturika! Tikakhorwanga ndi vyamampha vya mu nyumba yinu, vitumbiku vya mu nyumba yinu yakupaturika!

Yeremiya 31:4

Ndikakuzenganga so, ndipo ukazengekanga, wa mwali we Yisraele! Ukajinozganga so ndi ŵazeze, ndipo ukarutanga kwachivina ndi ŵakusangaruka.

Sumu ya Zisumu 1:4

Ndiguziye kuvuli kwako, tiye titinthimike. Karonga wanditore mu vipinda vyake. Tikondwenge ndi kusekere mwaku iwe; tikarumbanga chanju chako kwakuruska vinyo; ŵatukwanja umamphavi.

Sumu 104:34

Mphanyi Ambuya akondwa ndi sumu yangu, chifukwa atindikondweska.

Sumu 96:6

Unkhankhu ndi ukaronga vitimukuka; nthazi ndi kutowa vyemu malo ghake ghakupaturika.

Sumu 104:33

Ndimbiyenge Ambuya ndichiŵa wamoyo; ndikoŵeriyenge marumbu kwaku Chiuta wangu mu umoyo wangu wose.

Sumu 134:2

Soskiyani manja ghinu ku malo ghakupaturika, ndipo rumbani Ambuya!