Sumu 63:1 - Tonga Bible 1986

¹ A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Sumu 63:1 Referans Kwoze

Sumu 143:6

Manja ghangu ndisoske kwinu; mzimu wangu uparanthukiya imwe nge ncharu chiyumu.

Sumu 84:2

Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Sumu 91:2

wakambenge ku Ambuya, “Ndimwe chakudingang'amo changu ndi linga langu; Chiuta wangu, mwaku mweniyo ndigomekezga.”

Chituwa 15:2

Ambuya ndi nthazi yangu ndi sumu yangu, ndipo aŵa iwo utaski wangu: mweniyo ndi Chiuta wangu, ndipo ndikamurumbanga, Chiuta wa ada, ndipo ndikamukuzganga.

Sumu 5:3

Ambuya, ndi mlenji muvwenge mazu ghangu; ndi mlenji ndinozge sembe yangu kwaku imwe, ndi kukhazga.

Yesaya 41:18

Ndikabanuwanga misinji pa mitunthu yiyumu, ndi visima mukati mu madambo. Ndikasanduskanga bozwa lo chisima cha maji, ndi charu chiyumu maji ghakubwibwituka.

Yohane 7:37

Zuŵa lakumariya, la dghera, lenga zuŵa likuru, wanguma Yesu ndipo wangukambura, wakuti, “Asani munthu we ndi nyota, waze kwaku ine, ndi wamwe.

Sumu 118:28

Ndimwe Chiuta wangu, ndiwongenge imwe; ndimwe Chiuta wangu, nditaulenge ukuru winu.

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Sumu 143:10

Ndimwe Chiuta wangu; ndisambizgeni kuchitakhumbo linu. Mzimu winu undichitiye umampha, ndirongozgeni mu nthowa yakunyoroka.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Sumu 78:34

Penipo wangukosopo ŵanyake, ŵakujapo wo ŵangumupenja; ŵangung'anamuka, ŵangupenja, Chiuta ndi mwamphu wose.

Sumu 42:11

Wawiyanji pasi wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Sumu 31:14

Kweni ine ndigomezga mwaku imwe, Ambuya, ndititi, “Ndimwe Chiuta wangu.”

Jobu 8:5

Asani mukapenjanga Chiuta ndi kupereka maŵeyelero ku Wanthazi zose,

1 Samuele 22:5

Kweni mchimi Gadi wanguti kwaku Davidi, “Reka kuja mu linga; tuwamo, rutanga ku charu chaku Yuda.” Viyo Davidi wangutuwamo, wanguruta mu lisuwa laku Herete.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Yeremiya 31:1

“Pa nyengo yeniyiya, atiti Ambuya, ndikaŵanga Chiuta wa mbumba zose zaku Yisraele, ndipo iwo ŵakaŵanga ŵanthu ŵangu.”

Yesaya 35:7

mchenga wakocha ukasandukanga thaŵali, ndi charu chiyumu chikaŵanga misisi ya maji; mwakuchezga ŵakambwe mukasandukanga viyaghayagha, uteka ukasandukanga matete ndi magumbwa.

Chituwa 17:3

Kweni ŵanthu ŵangukoreka ndi nyota, ndipo ŵanthu ŵangudinginikiya Mosese ŵanguti, “Chifukwa chine ungutituzga mu charu cha Egipiti, kuzachitibaya ndi ŵana ŵidu ndi ng'ombe zidu ndi nyota?”

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Sumu 119:81

Mzimu wangu utakamiya pakunweka utaski winu; chigomezgu changu che mu mazu ghinu.

Mateyu 12:43

“Kweni penipo mzimu wawiyu watuwa mu munthu, uporota mu malo ghambura maji, wakupenja chipumulu, ndipo kuti utichisaniya cha.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Sumu ya Zisumu 5:8

Ndimurapiskiyani, mwaŵana ŵanthukazi ŵaku Yerusalemu, asani mwamusaniya nkhwanjiwa wangu, mumunene kuti, ndatama ndi chanju.

2 Samuele 15:28

Ehe, Ine nkhalindizganga pa chidika cha bozwa mpaka po watuma mazu ghakundiziŵiska.”

1 Mikoka 16:14

Iyo ndi Ambuya Chiuta widu; vyeruzgu vyake vye mu charu chose chapasi.