Sumu 62:2 - Tonga Bible 1986

² Iyo pe ndiyo jarawi langu ndi chipozomosko changu, ndi linga langu; kuti ndisukuniskikenge weniukongwa cha.

Sumu 62:2 Referans Kwoze

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Sumu 62:6

Iyo pe ndi jarawi langu ndi utaski wangu linga langu; kuti ndisukuniskikenge cha.

Yesaya 26:4

Gomekezgani mu Ambuya muyaya, pakuti Ambuya Chiuta ndi jarawe la muyaya.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Sumu 89:26

Wakakambanga nane, ‘Imwe ndimwe Ada ndi Chiuta wangu; ndimwe muvikiriyi wangu ndi mtaski wangu.’

Sumu 59:17

Owe, Ŵanthuzi zangu, ndimbiyenge marumbu kwaku imwe, pakuti imwe, A Chiuta, mwaŵa linga langu, Chiuta yo watindirongo chanju chikuru.

Sumu 59:9

A! Wanthazi zangu, ndimbiyenge marumbu kwaku imwe; pakuti imwe, A Chiuta, ndimwe linga langu.

Sumu 37:24

nanga wangawa pasi, kuti wakawiyangapo limu cha, pakuti Ambuya atimukorere ndi janja lawo.

Sumu 27:1

Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

Sumu 21:1

Ambuya, mwe, karonga wakondweriyenge mu nthazi zinu; ndipo mu chovyo chinu wakwezgeka ukongwa!

Sumu 37:39

Utaski wa ŵarunji utuliya ku Ambuya; nchakudingang'amo chawo mu nyengo ya suzgu.

Chitenje 3:26

Nkhwamampha kuti munthu walindizgenge utaski wa Ambuya, chisisi.