Sumu 62:12 - Tonga Bible 1986

¹² ndi kuti kwaku imwe, Ambuya, kwe chanju chikuru. Chifukwa imwe musuzula munthu kwakulingana ndi nchitu zake.

Sumu 62:12 Referans Kwoze

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Sumu 103:8

Mba chitima ndi ŵawezi Ambuya, mba chizita mu kukaripa, kweni mbakuzala ndi chanju chakufikapo.

Jobu 34:11

Chifukwa wamuwezgiyenge munthu kwakuyana ndi nchitu yake, ndi wakamuchitiyanga munthu kwakuyana ndi kayendero kake.

ŴaRoma 2:6

mweniyo wawerezgiyenge kwaku yose kwakulingana ndi nchitu zake.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

1 ŴaKorinte 3:8

Ndipo wakupanda ndi wakudiriya maji mbamoza: kweni yose wajirondiyenge mphotu yaku yija kwakulingana ndi chitakataka chaku yija.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Ezekiele 18:30

“Chifukwa cho ndikweruzgeninge imwe, nyumba yaku Yisraele, munthu yose kwakulingana ndi nthowa zake, atiti Ambuya Chiuta. Ng'anamukani, mtima rekani maubendezi ghinu ghose, vinu mphurupuru yingaŵa phasulu linu.

Nthanthi 24:12

Asani utiti, “Ehe tengavi kuchiziŵa ichi,” kumbi mweniyo wapima mtima, kuti watichiziŵa cha chenichi? Kumbi mweniyo wasunga mzimu wako kuti watichiziŵa cha chenichi, ndipo kumbi iyo kuti wakalipilanga munthu kwakuyana ndi nchitu yake cha?

Chivumbuzi 22:12

“Awonani, nthuza ruŵi; ndipo mphotu yangu nde nayo pamoza nane, kumpaska yose uli ndimo yiriri nchitu yake.

1 Petro 1:17

Ndipo asani mumudana Dada mweniyo kwambura kurumba chisku ngwakweruzgiya uli ndi nchitu ya munthu yose, mu wofi jaririyani nyengo yo ya chitandara chinu:

ŴaKolose 3:25

Chifukwa wakwananga wamuronde so kwananga kwake: ndipo kuti kwe kurumba chisku cha.

ŴaEfeso 6:8

pakuziŵa kuti chose chamampha chenicho munthu ndi munthu wangachita, chenicho wamronde so ku Ambuya, chingana ndi muŵanda, chingana ndi mwanangwa.

Danyele 9:18

A Chiuta, wangu, tegherezgani gutu linu ndi muvwi; jurani maso ghinu ndi muwoni kupasuka kwidu, ndi msumba wo udanika ndi zina linu; pakuti tipereka kuŵeyere kwidu paurongo pinu chifukwa cha urunji widu cha, kweni chifukwa cha lisungu linu likuru.

Ezekiele 33:20

Kweni ndipuuli imwe mutiti, ‘Nthowa ya Ambuya kuti njakurunjika cha.’ Awe, nyumba yaku Yisraele, ndikamweruzganga yumoza ndi yumoza waku imwe kwakulingana ndi nthowa zake.”

Ezekiele 7:27

Karonga watenje, fumu yavwara soka, ndipo manja gha ŵanthu mu charu ghaphapha ndi mantha. Ndiŵachitiyenge kwakulingana ndi nthowa zawo, ndipo kwakuyana ndi vyeruzgu vya ŵeneko ndiŵeruzgenge; sono ŵakaziŵanga kuti ine ndine Ambuya.”

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

1 Mikoka 29:12

Usambasi ndi ulemu vituliya kwinu ndipo imwe muteruzga paku vyose. Mu janja linu mwe nthazi ndi mazaza; ndipo so ghemu janja linu kukuzga ndi kupereka nthazi ku vyose.

Jobu 9:19

Asani tingakamba ndi za nthazi, iyo ndiyo wanthazi! Asani tinganena ndi za cheruzgu; ndiyani yo wangamudana?

Jobu 33:14

Pakuti Chiuta wakamba kamoza, pamwenga kaŵi, nanga munthu kuti watumuvwa cha.

Jobu 37:23

Wanthazizose kuti tingaziŵa kumusaniya cha; ndi mukuru mu nthazi ndi mu cheruzgu, ndi uzali wa urunji kuti wakasuskanga cha.