Sumu 62:10 - Tonga Bible 1986

¹⁰ Rekani kuŵika chigomezgu chinu mu vyakuskoŵa; rekani kugomekezga muusambasi wakuchita kuphanga; asani usambasi ungandana, ungaŵikangako mtima wako cha.

Sumu 62:10 Referans Kwoze

Sumu 52:7

“Awoni munthu yo wengavi kusanduska Chiuta kuŵa chakudingang'amo chake, kweni wangugomezga uzari wa usambasi wake, ndi mu uromba wake kuŵa chakudingang'amo chake.”

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Yeremiya 17:11

Mweniyo wasaniya usambasi mu nthowa yambura kurunjika, wayana ndi nkhwali yeniyo yiunjika pamoza ŵana wo yengavi kukonkhomo iyo; viyo mukati mwa mazuŵa ghake usambasi ukamuthaŵanga, ndipo pa umari wake wakaŵanga bereŵeza.

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

Yesaya 61:8

Pakuti ine Ambuya nditanja cheruzgu chirunji, nditinkha kuba ndi kuchimwa; ndikaŵapaskanga kwamagomekezgeka mphoto yawo, ndipo ndikapangananga nawo phanganu la muyaya.

Marko 10:23

Ndipo Yesu wati walereska kwakuzunguliya, wanguŵanene ŵasambizi ŵake, “Nkhwaunononu mbwenu ku ŵasambasi kusere mu ufumu waku Chiuta.”

Yesaya 30:12

Chifukwa cho watiti Mtuŵa Yumoza yo waku Yisraele, “Chifukwa munyoza mazu gho, mugomekezga mu kuyuzga ndi kunangiya dala, ndipo muyegeme paku vyenivyo,

Sumu 49:6

ŵanthu wo ŵagomezga mu uromba wawo, ndi kujikuzga mu unandi wa usambasi wawo?

Jobu 20:29

Ili ndilo phande la munthu muheni lakutuwa kwaku Chiuta, chihara chakulangulikiya iyo ndi Chiuta.”

Jobu 20:19

Chifukwa waŵasuzga ndi kuŵajowo ŵakavu; waphanga nyumba yo kuti wanguzenga iyo cha.

Yesaya 59:4

Palivi yumoza yo wasere pa mlandu mu uneneska palivi yo watiya ku dangu mu ukongorekwa; ŵayegeme pa mpandira uyumu, ŵarongoro mautesi, ŵazuwuka urwani, ndipo ŵapapa mphurupuru.

Yesaya 47:10

Ungughanaghana kuti we wakukho mu mauheni ghako, unguti, “Palivi yumoza yo watindiwona.” Chinjeru chako ndi kuwamo kwako vingukusovya, ndipo mu mtima wako watinge, “Ndine, palivi munyake pade paku ine.”

Nthanthi 23:5

Maso ghako ghachilereska paku cho, mbwenu charuta, pakuti ruŵiruŵi chitijitole mapapa, kuphululuka uli ndi nombo kulata kuchanya.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Yesaya 28:15

Pakuti mwakamba kuti, “Tachita phanganu ndi nyifwa, ndi muunda tazomerezgana; asani likhwechu likuru lakapo kuti likazanga kwaku ifwe cha, pakuti maboza ndigho tato kuŵa chakudingang'amo chidu, ndipo mu utesi ndimo tabisama;”

Yeremiya 13:25

Ichi ndichu chigaŵa chinu, phande lo ndakupimiyani imwe, atiti Ambuya, chifukwa mwandiruwa mwakomekezga mu mautesi.

Sumu 4:3

Kweni ziŵani kuti Ambuya ajiŵikiya pade ŵanthu wo mbakugomezga; Ambuya atuvwa ndichidana kwaku iwo.

Yesaya 40:15

Ehe, mitundu ye uli nkha nthoni ka mu ndowo, ndipo ŵaŵerengeka nge ndi fuvu pa vyakupimiyapo; ehe, wanyamuwa virwa nge ndi fuvu lakung'ibuka.

Yesaya 40:17

Mitundu yose kuti ye kanthu cha paurongo pake, iyo watiyiŵerenga kuŵa nge nkhanthu cha njawaka njakumara.