Sumu 61:2 - Tonga Bible 1986

² kutuliya ku chigoti cha panu pasi ndidana kwaku imwe, penipo mtima wangu wavuka. Ndirongozgeni ine, ku jarawi lo nditali kwakuruska ine;

Sumu 61:2 Referans Kwoze

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Sumu 62:6

Iyo pe ndi jarawi langu ndi utaski wangu linga langu; kuti ndisukuniskikenge cha.

Sumu 77:3

Ndighanaghana ndi Chiuta, ndipo nditamantha; ndirunguruka, ndipo mzimu wangu ugongowa.

Sumu 62:2

Iyo pe ndiyo jarawi langu ndi chipozomosko changu, ndi linga langu; kuti ndisukuniskikenge weniukongwa cha.

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Marangu 4:29

Kweni mwamupenja Ambuya Chiuta winu mweche kwenikuwa, ndipo mwakumusaniya asani mwakumupenja ndi mtima winu wose ndi umoyo winu wose.

Sumu 27:5

Chifukwa akandibisanga mu mduzi wawo mu zuŵa la suzgu yangu; andijariyenge mukati mu hema lawo, andimekenge pachanya pa jarawi.

Sumu 142:3

Po mzimu wangu wagongowa, imwe muziŵa nthowa yangu. Munthowa mo nditenda ŵandibisiyamo chiŵana.

Sumu 40:2

Angundizuwuwa mu zenje lakofya, mu dongo la urambwi, angumika marundi ghangu pa jarawi, angukhozga menderu ghangu.

Yesaya 54:11

“Iwe wakuyuzgika, wakuyungwiskika ndi lirondo, wambura kusangaruskika, ehe, ndikamikanga mya yako mu maŵanga ghamanimani ndi kujalika viŵanja vyako ndi mya ya sangarawe.

Sumu 55:5

Wofi ndi chitenthe vyandiziya, ndipo chofyo chandivunikiriya.

Sumu 143:4

Viyo mzimu wangu wavuka mukati mwangu; mtima wangu watenthemeskeka.

Sumu 43:5

Wa wiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Sumu 42:6

Mzimu wangu wawa pasi mukati mwangu, pa chifukwa ichi ndikumbuka imwe, kutuliya ku charu cha Yordane ndi cha Hermoni, kutuwa ku phiri la Mizara.

Luka 22:44

Ndipo pakuŵa mu mphirimbu warombanga kwakufwiririyapo: ndipo dukutira lake linguŵa nge ndi manthone gha ndopa ghakujirimiya pasi.]

Sumu 17:1

Avwani vya urunji wangu, Ambuya; tegherezgani ku kuliya kwangu! Avwani rombu langu lo lituwa mu milomo yambura chinyengo!