Sumu 60:2 - Tonga Bible 1986

² Mwachitenthemeska charu, mwachi waruwa; nozgani so kubwanganduka kwake, chifukwa sono chirazga kukuwa!

Sumu 60:2 Referans Kwoze

2 Mikoka 7:14

Ndipo asani ŵanthu ŵangu wo ŵadanika ndi zina langu ŵatijiyuyuwa, ŵaromba ndi ŵapenja chisku changu, ŵaweko ku nthowa zawo ziheni, po ndipo ndikavwanga kuchanya ndi kuŵagowoke uheni wawo, ndi kuchizga charu chawo.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Yesaya 30:26

Nakweni nako ukweru wa mwezi ukaŵanga nge mbukweru wa lumwi, ndipo ukweru wa lumwi ukaŵanga wakufwapo kankhonde ndi kaŵi, uli mbukweru wa mazuŵa ghakhonde ndi ghaŵi, mu zuŵa lo Ambuya akamangiyanga chironda cha ŵanthu ŵawo, ndi kuchizga mabala ghakuchitika ndi kumpuma kwawo.

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.

Yeremiya 48:38

Pachanya pa nyumba zose za Moabu ndi mu maluluwa mose kuti mwe kanthu so kanyake cha kweni kutenje pe; pakuti ndaswa Moabu nge nchiyaŵi chenicho palivi yumoza wakuchiphwere, atiti Ambuya.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yeremiya 4:24

Ndingulereska pa mapiri, ndipo ehe, ghanguyaghayika, ndipo tumapiri tose tunguyaghayika uku ndi uku.

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

Mateyu 27:51

Ndipo onani, chijaru cha kasopi chinguparuka pakati, kutuwa pachanya pasi mbwitu. Ndipo charu chingundengandenga; ndi majarawi ghangusweka,

Habakuku 3:10

Mapiri ghangumuwonani, ndi kuvivira; maji ghanthazi ghangusapatiya; ndimba yingutuzga mazu, yingutumphuskiya manja ghake pachanya.

Amosi 8:8

Kumbi charu kuti chitenthemenge cha pa chifukwa ichi, ndi munthu yose kuliya yo wajamo, ndi chose kuyuka nge ndi Nile, ndi kupong'eka ndi kubizgika so, nge ndi Nile waku Egipiti?”

Yeremiya 30:17

Pakuti ndikakuwezgiyanga umoyo wamampha, ndipo ndikachizganga mabala ghinu, atiti Ambuya, chifukwa ŵakudana kuti we wakutayika kubwalo: ‘Ndi Zioni, mweniyo palivi yo watimuphwere!’

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.

Sumu 114:7

Tenthema, wa charu chapasi, pa kuza kwa Ambuya, pa maso paku Chiuta waku Yakobe,

Jobu 9:6

mweniyo wasukuniska charu kuchituzga pa malo ghake, ndipo mizati yake yiyaghayika;

Yesaya 7:8

Pakuti mutu waku Siriya ndi Damasko, ndipo mutu waku Damasko ndi Rezini. “ ‘Mukati mu virimika machumi ghankhonde ndi limoza pachanya vinkhonde (65) Efraimu wakaswekanga tumanatumana viyo kuti wakaŵanga khamu la ŵanthu so cha.

Sumu 104:32

Iwo alereska pa charu chapasi, ndipo chitenthema; achikwaska mapiri, ghasunkha usi.

Sumu 89:40

Mwawiskiya pasi vimati vya msumba wake, malinga ghake mwaghasanduska mapopa.

Jobu 5:18

Pakuti watema bara ndi walimanga; walasa kweni manja ghake ghachizga.

Chitenje 2:13

Ndingakukambiya kane, ndikweruzgiye pa kanthu uli, mwa ŵanthu ŵaku Yerusalemu? Ndikakulinganizganga ku kanthu uli, alinga kuti ndikusangaruske, ŵanthu ŵangu ŵamu Zioni? Chifukwa usani wakubwangandika kwako wenge ndi nyanja; njani wangaziŵa kukuwerezgamo?

2 Samuele 22:8

“Sono chingusukunika ndi chinguyaghayika charu; viŵanja vya kuchanya vingutenthema, vingusukunika, chifukwa wangukaripa.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

2 Samuele 8:1

Pavuli paku ichi Davidi wangupunda ŵaFilisti ndi kuŵathereska, ndipo Davidi wanguronda Metegama ku janja la ŵaFilisti.

1 Mikoka 18:3

Davidi wangupunda so Hadadezere karonga waku Zoba, kurupi ndi Hamati wachiruta kwachiŵika chikumbusku chake pa msinji wa Efrate.

1 Mikoka 18:5

Ndipo penipo ŵaSiriya ŵaku Damasko ŵanguza kuzachiwovya Hadadezere karonga waku Zoba, Davidi wangubaya ŵaSiriya vikwi machumi ghaŵi pachanya viŵi (22,000).

1 Mikoka 18:12

Ndipo Abishai, mwana waku Zeruya wangubaya ŵaEdomu vikwi chumi pachanya vinkhonde ndi vitatu (18,000) mu dambo la mche.