Sumu 6:2 - Tonga Bible 1986

² Ndichitiyeni wezi, A Chiuta, chifukwa nditomboroka ine; Ambuya, ndichizgeni, chifukwa vitenthema viwanga vyangu.

Sumu 6:2 Referans Kwoze

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Sumu 31:10

Pakuti umoyo wangu umara ndi chitima, virimika vyangu viruta mukutamantha; nthazi yangu yiropwa chifukwa cha suzgu yangu, viwanga vyangu vyaguluruka.

Sumu 30:2

A, Ambuya Chiuta wangu, ndingukutiya chovyo kwaku imwe, ndipo imwe mungundichizga.

Yeremiya 17:14

Ndichizgeni, Ambuya, ndipo ndikachizgikanga; ndipozomoskeni, ndipo ndikapozomokanga; pakuti imwe ndimwe rumbu langu.

Sumu 51:8

Ndizazeni chimwemwe ndi kukondwere; vyangare viwanga vyo mwaphwanya.

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.

Sumu 38:7

Mu chiunu mwangu mutufya ukongwa, ndipo mu nyama yangu mulivi umusuma.

Sumu 38:3

Mulivi umusuma mu liŵavu langu chifukwa cha kandundu kinu; mu viwanga vyangu mulivi umoyo chifukwa cha uheni wangu.

Sumu 32:3

Ine po ndengavi kuzomera kwananga kwangu liŵavu langu lenga lakonda; chifukwa cha kutamantha kwangu kwa zuŵa lose.

Chiyambo 20:17

Sono Abrahamu wanguromba kwaku Chiuta, ndipo Chiuta wanguchizga Abimeleke, ndipo wanguchizga so muwoli wake ndi ŵaŵanda ŵanthukazi viyo kuti wangupapa ŵana.

Mateyu 4:24

Ndipo thenthe lake linguwanda mu Siriya yose, ndipo ŵangumtole wose ŵakutama ŵakukoreka ndi nthenda zamitundumitundu ndi maurwirwi, ŵademone ndi ŵakufuntha ndi ŵavinjenje; ndipo wose wanguŵachizga.

Sumu 22:14

Ndapungulika nge ndi maji, ndipo vyagweduka vyose viwanga vyangu; mtima wangu waŵa nge ndi phura, wasongonoka mukati mu chifuŵa changu;

Jobu 5:18

Pakuti watema bara ndi walimanga; walasa kweni manja ghake ghachizga.

Maŵerengedu 12:13

Sono Mosese wanguriya ku Ambuya kuti, “Muchizgeni, Chiuta mwe, nditukuŵeyereni.”

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Jobu 19:21

Muŵe nane ndi lisungu, muŵe nane ndi lisungu, O, imwe mwa ŵabwezi ŵangu, chifukwa janja laku Chiuta landikwaska!

Sumu 38:2

Pakuti mivwe yinu yandirasa, ndipo janja linu landinyekezga.

Yeremiya 10:24

Ambuya, ndisuskeni, ndi mweso wa urunji; mu ukari winu cha, vinu mungandimarizga.