Sumu 6:10 - Tonga Bible 1986

¹⁰ Ŵarwani ŵangu wose ŵalengeskekenge ndi ŵatenthemenge ukongwa; ŵakaweriyanga kuvuli, ŵakachitanga soni kwamabuchibuchi.

Sumu 6:10 Referans Kwoze

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Sumu 86:17

Ndirongoni chisimikizgu cha umampha winu, Ambuya; mwakuti wose ŵakunditinkha ŵachiti soni, ŵachiwona kuti imwe mwandovya ndi kundisangaruska.

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Sumu 132:18

Ŵarwani ŵake ndikaŵavwarikanga soni, kweni paku iyo mweneko chifuku chake chikaperekanga kuŵala.”

Sumu 112:10

Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.

Sumu 73:19

Ruŵi-ruŵi ŵabwanganduka; ŵasikiya ku umari wakofya!

Sumu 71:24

Ndikambenge vyaurunji winu zuŵa lose swi, pakuti wo wapenjanga kundipweteka ŵatondeka ndipo ŵachita soni.

Sumu 71:13

Ŵathereskeke ndi ŵamare, ŵakulimbana nane! Ŵalengesekeke, ŵachiti soni wo ŵapenja kundipweteka!

Sumu 35:26

Ŵachiti soni ndipo wose pamoza ŵatimbanizgike, wo ŵakondwa pa soka langu! Ŵavware soni ndi chilengesku wo ŵatijikuzga pakumikana nane!

Sumu 25:3

Inya, wose ŵakulindizga imwe kuti ŵalengeskekenge nanga njumoza cha; ŵachita soni wo ŵachita viŵembu kwambura chifukwa.

Sumu 7:6

Sokani, Ambuya, mu ukari winu, mujiyinuskiye pakumikana ndi ukari wa ŵakupindikana nane, yukani, A Chiuta wangu, imwe mwamika cheruzgu.

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

Sumu 5:10

Muŵapingizge kunanga kwawo, A Chiuta muŵawiske mu fundu za ŵeneko; chifukwa cha unandi wa mphurupuru zawo muŵataye kubwalo, pakuti ŵamugarukiyani imwe.

Sumu 2:5

Penipo akakambanga nawo mu kandundu kawo ndi aŵatenthemeskenge mu ukari wawo, kuti,

Jobu 6:29

Ng'anamukani, ndimurombani, kwananga kungachitikanga cha. Ng'anamukani sono pakuti kujivikiriya kwangu kwe pa mlando uwo.

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

Sumu 55:20

Mwanasi wangu wangutambaruliya janja lake kumikana ndi ŵabwezi ŵake, wanguswa phanganu lake.