Sumu 59:7 - Tonga Bible 1986

⁷ Eŵa ŵekuwa, ŵabwebweta ndi milomo yawo, ŵatoroma ndi milomo yawo pakuti ŵaghanaghana kuti, “Njani yo wakativwanga?”

Sumu 59:7 Referans Kwoze

Sumu 57:4

Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.

Nthanthi 15:2

Lilime la wazeru lirunguchizga chinjeru, kweni milomo ya ŵakupusa yidira kupusa.

Sumu 10:11

Mu mtima wake watiti, “Chiuta waruwa, wabisa chisku chake, kuti wakachilereskanga so cha.”

Sumu 73:11

Sono ŵatiti, “Chiuta kuti wakaziŵanga cha! Wapachanya Limu kuti wakachibowozganga cha!”

Nthanthi 15:28

Muwongo wa murunji upenja mwenimo wangamukiya, kweni mlomo wa wamphulupulu uwukuwa vinthu viheni.

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

Sumu 55:21

Karongororero kake kenga kakusilirika kwakuruska mafuta gha mukaka, kweni nkhondo yenga mu mtima wake; mazu ghake ghenga gha koloŵa kwakuruska mafuta, kweni ndipuuli ghenga malipanga ghakuwewepuwa.

Sumu 10:13

Chifukwa chine muheni wanyoza Chiuta, ndipo watiti mu mtima wake, “Imwe kuti mukachifumbanga cha?”

Mateyu 12:34

Mphapu za vipiriŵiza, mwa ŵakuŵa ŵaheni mungaziŵa uli kurongoro vyamampha? Chifukwa kutuwa ku ufurwi wa mtima mlomo urongoro.

Yeremiya 33:24

“Kumbi ulivi kuteska chenicho ŵakamba ŵanthu yaŵa, kuti, ‘Kumbi Ambuya ataya mbumba ziŵi zo ŵangusankha?’ Viyo ŵanyoza ŵanthu ŵangu, kuti nge ndi mtundu so cha mu maso ghawo.

Sumu 94:4

Mpaka zuŵanji ŵakajikuzganga ŵakuchita utimbanizi ndi kulankha mu maubendezi ghawo?

Chitenje 3:62

Milomo ndi maghanaghano ghakuwo ŵatindiyukiya vimikana nane zuŵa lose.