Sumu 55:5 - Tonga Bible 1986

⁵ Wofi ndi chitenthe vyandiziya, ndipo chofyo chandivunikiriya.

Sumu 55:5 Referans Kwoze

Sumu 119:120

Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.

Jobu 21:6

Po, ndighanaghana nditopa, vimbwambwa viko liŵavu langu,

Luka 22:44

Ndipo pakuŵa mu mphirimbu warombanga kwakufwiririyapo: ndipo dukutira lake linguŵa nge ndi manthone gha ndopa ghakujirimiya pasi.]

Ezekiele 7:18

Ŵatijivwarika vigudulu mu chiunu, mantha ghati ŵabenekere; soni ze pa visku vyose, ndi phara pa mitu yawo yose.

Yesaya 21:4

Mtima wangu ugunda, vyakofya vyandofya ukongwa, kucha ko ndingunweka kwandisandukiya ine kuŵa chofyo.

Sumu 61:2

kutuliya ku chigoti cha panu pasi ndidana kwaku imwe, penipo mtima wangu wavuka. Ndirongozgeni ine, ku jarawi lo nditali kwakuruska ine;

Sumu 42:6

Mzimu wangu wawa pasi mukati mwangu, pa chifukwa ichi ndikumbuka imwe, kutuliya ku charu cha Yordane ndi cha Hermoni, kutuwa ku phiri la Mizara.

Jobu 6:4

Pakuti mivwi ya Wanthazi zose ye mwaku ine. Mzimu wangu utumwa ulembe waku yo. Vyakofya vyaku Chiuta vinozgeka kumikana nani.

2 Samuele 15:14

Penipo Davidi wangunene ŵateŵeti ŵake wose wo ŵenga nayo pa Yerusalemu, “Sokani tiyeni tithaŵe; vinu pakureka kuthaŵa kuŵengevi mpozomoka mwaku ifwe kwaku Absalomu; chimbiyani vinu wangenda ruŵi wangatisaniya, ndi wangatichitiya uheni, ndi kukoso msumba ndi uyi wa lipanga.”

Sumu 18:6

Mu kufinyirizgika kwangu ndingudana ku Ambuya; kwaku Chiuta wangu ndinguliriya chovyo. Kutuliya ku nyumba yake yakupaturika wanguvwa mazu ghangu, ndipo nkhuta yangu yingufika mu makutu ghake.