Sumu 53:2 - Tonga Bible 1986

² Chiuta kuchanya walereska pa ŵana ŵa ŵanthu, kuti wawone vinu wangaŵapo wazeru, wakupenja Chiuta.

Sumu 53:2 Referans Kwoze

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

Yeremiya 23:24

Kumbi munthu wangajibisa mu malo ghakubisika kuti ine nditondeke kumuwona? atiti Ambuya. Asi ine ndizaza kuchanya ndi charu chapasi? atiti Ambuya.

Sumu 27:8

Imwe munguti, “Penjani chisku changu.” Mtima wangu kwaku imwe utiti, “Chisku chinu, Ambuya, ndichu ndipenja.”

2 Mikoka 19:3

Kweni kamampha kawonekamo mwaku imwe chifukwa mungutuzgamo chikozgo cha Ashera mu charu ndi kuŵikapo mtima winu pakumpenja Chiuta.”

Yeremiya 16:17

Pakuti maso ghangu ghe pa nthowa zawo zose, kuti mbakubisama cha kwangu, nanga mbutimbanizi wawo kuti ngwakubisika ku maso ghangu cha.

Sumu 102:19

Ambuya mu malo ghawo ghakupaturika ghapachanya angulereska pasi, angulereska pasi kutuliya kuchanya.

Sumu 11:4

Ambuya ŵemu nyumba yawo yakupaturika, chitengu cha Ambuya che mu machanya; maso ghawo ghalereska, vikope vyawo vitesa ŵana ŵa ŵanthu.

Sumu 10:4

Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Marangu 4:6

Mughasunge ndi kughachita, pakuti ivi ndi zeru zinu ndikuziŵiska kwinu panthazi pa mitundu. Po Yivwenge visambizgo vyose ivi, yamukuti, ‘Nadi ŵanthu ŵa mtundu ukuru uwu mbazeru ndi ŵakuwamo.’