Sumu 51:10 - Tonga Bible 1986

¹⁰ Mtima wakutowa mundilenge, A Chiuta, ŵikani mukati mwangu mzimu ufya ndi wakunyoroka.

Sumu 51:10 Referans Kwoze

Ezekiele 11:19

Ndiŵapaskenge mtima umoza, mukati mwawo ndiŵikenge mzimu ufya; ndituzgengemo mtima wa mwa mu liŵavu lawo ndi kuŵapaska mtima wa munofu,

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

Mateyu 5:8

“Mbakutumbikika ŵakutowa mu mtima: pakuti iwo ŵawonenge Chiuta.

Ezekiele 18:31

Tayani kutali, tuzganimo maubendezi mukati mwino gho mwachitiya ine, ndipo jitoriyeni mtima ufya ndi mzimu ufya! Mukafwiyanganji, owe nyumba yaku Yisraele?

ŴaRoma 12:2

Ndipo mungajilinganizga ndi mgonezi uno cha: kweni mujisanduske mu kuchitika vifya vinjeru vinu, alinga kuti mwesenge imwe mo liriri khumbu lo laku Chiuta, lamampha ndi lamarondeka ndi lakufiskika.

Machitidu gha Ŵakutumika 15:9

ndipo kuti wangupambaniska kanthu cha pakati paku ifwe ndi iwo, mu kutozga mitima yawo ndichivwanu.

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

Yeremiya 32:39

Ndiŵapaskenge mtima umoza ndi nthowa yimoza, mwakuti ŵandopenge ine muyaya, chifukwa cha umampha waku iwo ŵeneko ndi umampha wa ŵana ŵawo ŵa pavuli pawo.

Nthanthi 20:9

Njani wangakamba, “Ndatozga mtima wangu; nde wakuphotoka ku uheni wangu”?

Sumu 24:4

Yo wendi manja ghakuphotoka ndi mtima wakutowa, yo kuti wayinuskiya ku utesi mzimu wake cha; ndipo kuti warapa kwakupusika cha.

ŴaKolose 3:10

ndipo mwavwara munthu mufya, mweniyo wazgoka mufya uli nchikozgu chaku yo wangumlenga ndi kukuliya mu kumuziŵa Chiuta.

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

Sumu 73:1

Nadi Chiuta ngwamampha kwaku Yisraele, kwaku wo mbakutowa mu mtima.

Yakobe 1:8

ndi munthu wa mtima wapaŵi, wakusaŵasaŵa mu mendedu ghake ghose.

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Sumu 78:37

Mtima wawo kuti unguŵa wakunyoroka cha; kuti ŵanguŵa ŵakongorekwa mu phanganu lake cha.

Yeremiya 13:27

Ndaghawona maukazuzi ghako, maureŵi ghako ndi kulampha-lampha kwako, uyagha-yagha wako wa ureŵi, pa mapiri ndi mu minda. Soka kwaku iwe, Yerusalemu! Kwakujariya mazuŵa ghalinga po wenga undatozgeke?”

Ezekiele 36:37

“Viyo atiti Ambuya Chiuta; Ichi nacho so ndikazomerezganga kuti nyumba yaku Yisraele ŵandipemphe cho ndingaŵachitiya: kwandaniska ŵanthu ŵawo nge ndi mskambu.

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Yoswa 14:14

Henroni wanguŵa chihara chaku Kalebe mwana waku Yefuni mu Kenizi mpaka kunu ku sono chifukwa wangurondo Ambuya Chiuta waku Yisraele ndi mtima wose;

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”