Sumu 50:3 - Tonga Bible 1986

³ Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.

Sumu 50:3 Referans Kwoze

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Maŵerengedu 16:35

Ndipo moto wakutuwa ku Ambuya, unguŵamara ŵanthu machumi pe chumi ghaŵi pachanya machumi ghankhonde (250) wo ŵangupereka vyakusunkhizga.

ŴaLevi 10:2

Ndipo moto unyake unguza kutuliya ku Ambuya ndi unguŵamara, ŵangufwa paurongo pa Ambuya.

Mateyu 3:12

Mweniyo chipepeteru chake che mu janja lake, wakatoweskanga mbuli wake; ndi kuwunjika trigu wake mu nkhokwe, kweni wamukocha mwere ndi moto wambura mazimwika.”

Chivumbuzi 22:20

Mweniyo wasimikizga vyenivi watiti, “Inya nthuza ruŵi.” Ameni. Zaninge, Ambuya Yesu.

ŴaHebere 12:29

chifukwa nadi Chiuta widu ndi moto wakunyeka.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Habakuku 3:5

Paurongo pake panguka nthenda ya chideru, nthenda yo yamrondonga mvuli.

Sumu 96:13

paurongo pa Ambuya, chifukwa, atuza kweruzga charu chapasi. Ŵeruzgenge charu mu urunji, ndi makhamu mu ukongorekwa wawo.

Sumu 83:1

A Chiuta, rekani kuchetema; mungajanga chisisi, A Chiuta, mungaja chisisi!

Sumu 68:20

Chiuta widu ndi Chiuta wa utaski; ndi Ambuya, Mbuyafwe, yo watitipozomoska ku nyifwa.

Sumu 50:21

Ivi ndivyo wachita kweni ine ndingujachete; iwe waghanaghananga kuti ndiyana nge ndiwe. Kweni sono nditukuchenya, ndiŵika cheruzgu pa maso pako.

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Marangu 9:3

Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

Yesaya 35:4

Ku ŵa mtima wa mantha unene, “Nkhwimani, kopa cha! Ehe, Chiuta winu wakazanga ndi thayu, ndi kuwezge nduza kwaku Chiuta. Wakazanga kumutaskani.”

Ezekiele 1:4

Po ndingulereska, awonani, mphepo ya Kavuru-vuru yinguza kutuliya ku nkhonde, ndi bingu likuru, ndi ukweru wakulizunguliya, ndi moto walipukanga rutaruta, mukati mwa moto mwenga dangalira la mkuŵa.