Sumu 50:22 - Tonga Bible 1986

²² “Sono ziŵani ichi, mwa ŵakuruwa Chiuta, vinu ndingakuparuwani, ndi kungaŵavi wakutaska!

Sumu 50:22 Referans Kwoze

Jobu 8:13

Viyo ndimo ziliri nthowa zose zaku wo ŵareka kuziŵa Chiuta, chigomezgu cha munthu wambura kopa Chiuta chikamaranga.

Sumu 9:17

Ŵaheni ŵakarutanga ku muunda, yose mitundu yakuruwa Chiuta.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Sumu 7:2

vinu ŵangandiparuwa nge ndi nkharamu, kundiparuwa, kwambura wakundipozomoska.

Hoseya 13:8

Ndiŵarotokiyenge nge ndi chipembere yo waphangika ŵana ŵake, ndiparuwenge nganga yawo, ndipo nkhaŵarghanga nge ndi nkharamu, nge ndimo chikoko cha mu dondo chiparuriya.

Yeremiya 2:32

Kumbi mwali wangaruwa vyakujizganga navyo vyake, pamwenga mwali wanthengwa vyakuvwara vyake? Kweni ŵanthu ŵangu ŵandiruwa mazuŵa ghambura maŵerengeka.

Marangu 32:18

Mwengavi kughanaghanako ndi jarawe lo lingumupapani, ndipo munguruwa Chiuta yo wangumulengani.

Amosi 2:14

Kutaskika kwamutondeka kwaku yo ndi mupusu, ndipo wanthazi kuti wakachinthiskanga nthazi zake cha, chingana nchinkhara nacho kuti chamutaska umoyo wake cha;

Yesaya 51:13

ndipo waruwa Ambuya, Mlengi wako, mweniyo wangutambaruwa machanya, ndi wangujarika viŵanja vya charu chapasi, ndipo mantha gharutiriya msana wose chifukwa cha ukari waku yo wasuzga pa wakhumba kuparang'a? Kumbi ukari wa wakusuzga wepani?

Sumu 10:4

Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.

2 Samuele 22:42

Ŵangulereska, kweni kwengavi wakutaska; ŵanguliriya ku Ambuya, kweni kuti anguŵamuka cha.

Luka 15:17

Ndipo wanguti wajiwezga mu mtima watinge, ‘Wamphotu ŵaringa ŵa ŵada ŵafurwa ndi vyaukurgha vinandi, ndipo ine panu ndiyowa ndi nja.

Hagayi 1:5

Chifukwa ichi sono atiti Ambuya ŵa maŵanja: ghanaghanani mo mwajaliya.

Ezekiele 18:28

Chifukwa wangurunguruka ndipo wakureka viheni vyake vyose vyo wachitanga, kuti wakafwanga cha, nadi wakaŵanga wamoyo.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Hoseya 5:14

Chifukwa ndiŵenge kwaku Efraimu nge ndi nkharamu, ndi nge ndi nkharamu yimana ku nyumba yaku Yuda. Ine, nadi ine, ndiparuwenge ndi kutuwapo, ndikonge ndipo palivi yo wangataska.

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.

Jobu 10:7

Chingana muziŵa kuti nde wakwananga cha ndipo palivi yumoza wangutaska ku janja linu?

Sumu 9:18

Chifukwa msauchi kuti wakaruwikanga nyengo yose cha, ndipo chigomezgu cha ŵakavu kuti chikamariyanga limu cha muyaya.