Sumu 50:21 - Tonga Bible 1986

²¹ Ivi ndivyo wachita kweni ine ndingujachete; iwe waghanaghananga kuti ndiyana nge ndiwe. Kweni sono nditukuchenya, ndiŵika cheruzgu pa maso pako.

Sumu 50:21 Referans Kwoze

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Sumu 90:8

Mwaŵika vyakubende vidu paurongo pinu, viheni vidu vyakubisika vye pakweru pa maso ghinu.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Yesaya 42:14

Kwa nyengo yitali ndataka cheti, ndaja chisisi ndi ndajikanizga; sono ndikabongonga uli ndi munthukazi wakupapa, ndikachitanga mwau ndi kutamantha.

Wakutaula 12:14

Chifukwa Chiuta wakatoriyanga nchitu yose ku cheruzgu, pamoza ndi kanthu ke kose kakubisika, manyi nkhamampha pamwenga kaheni.

Sumu 50:3

Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.

Amosi 8:7

Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.

Sumu 73:11

Sono ŵatiti, “Chiuta kuti wakaziŵanga cha! Wapachanya Limu kuti wakachibowozganga cha!”

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Yesaya 26:10

Asani mwaŵi upaskika ku muheni kuti wasambira urunji cha, mu charu cha ŵakutowa mu mtima iyo wachita utimbanizi ndipo kuti watiuwona cha unkhankhu wa Ambuya.

2 Petro 3:9

Mbuya walive kuziulika pa phanganu lake, uli ndimo ŵanyake ŵapimiya chiziu; kweni ngwakulekerezga kuchiri kwaku imwe, wambura kukhumba kuti yumoza wanangike, kweni kuti wose ŵazichipe.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Chituwa 3:14

Chiuta wanguti kwaku Mosese, “NDINE MWENIYO NDINE.” Ndipo wanguti, “Ukakambe ichi ku ŵaYisraele, ‘NDINE, wandituma kwaku imwe.’ ”

Sumu 50:8

Kuti nditukususka chifukwa cha sembe zako cha; mipasku yako yakocha ye paurongo pangu rutaruta.

Jobu 34:33

Kumbi chilangu chaku Chiuta chiŵe nge ndimo imwe mutichikhumbiya, pakuti mutichikana? Chifukwa imwe ndimwe mutenere kusankha, ine cha; chifukwa ichi rongoni cho muziŵa.

Yeremiya 2:23

Kumbi mungakamba uli kuti, ‘Ndakazuzgika cha, kuti ndandondoloska ŵaBala cha.’? Lereskani pa nthowa yinu muchidika, ziŵani cho mwachita, gamila mu mana wa mtafu wakwendayenda kosekose.