Sumu 50:19 - Tonga Bible 1986

¹⁹ “Upereka mlomo wako ku uheni, ndi lilime lako latata vyakupusika.

Sumu 50:19 Referans Kwoze

Sumu 10:7

Mlomo wake ngwakuzaza kutemba, kupusika, ndi kunyenga; pasi pa lilime lake pe soka ndi utimbanizi.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Yeremiya 9:5

Yose wapusika mwanasi wake, ndipo palivi yumoza wakukamba uneneska; ŵakusambizga lilime lawo kukamba mautesi; ŵachita maulakwi ndipo mbakuvuka ukongwa kuti wang'anamuke mtima.

Sumu 55:21

Karongororero kake kenga kakusilirika kwakuruska mafuta gha mukaka, kweni nkhondo yenga mu mtima wake; mazu ghake ghenga gha koloŵa kwakuruska mafuta, kweni ndipuuli ghenga malipanga ghakuwewepuwa.

Hoseya 4:2

Mwe kurapa, kupusika, kubaya, kuba, ndi kuchita ureŵi, ŵabwanganduwa zimphaka, ndipo kubaya kurondo kubaya.

Sumu 55:12

Yo watindinyoza kuti ndi murwani cha, asani kwenga viyo mphanyi ndakunthiyapo; kuti ngwakupindikana cha yo watindisunjizga, asani kwenga viyomphanyi ndingubisama kwaku iyo.

Sumu 5:9

Pakuti mulivi uneneska mu mlomo wawo; mtima wawo ndi phasulu, khosi lawo ndi muunda wa mwazi, ndi lilime lawo ŵakamba kwakunyenga.