Sumu 5:9 - Tonga Bible 1986

⁹ Pakuti mulivi uneneska mu mlomo wawo; mtima wawo ndi phasulu, khosi lawo ndi muunda wa mwazi, ndi lilime lawo ŵakamba kwakunyenga.

Sumu 5:9 Referans Kwoze

ŴaRoma 3:13

“Singu lawo ndi muunda wamwazi; afuvya ndi malilime ghawo.” “Liwozga la ŵakhaku le kusi ku milomo yawo.”

Sumu 62:4

Cho mupenja nkhumuwiskiya pasi, kumutuzga pa malo ghake gha ulemu. Mu kondwa ndi mautesi. Mukamba makani gha chitumbiku, kweni mu mtima winu mutimutemba.

Mika 6:12

Ŵanthu ŵinu ŵasambasimba kuzazika ndi nkhaza; ŵakuja mwaku imwe ŵakamba mautesi, ndi lilime lawo ndakupusika mu mlomo wawo.

Nthanthi 29:5

Munthu mweniyo wapusika muzengezgani wake wathyiya marundi ghake chilepa.

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

Luka 11:44

Owe kwaku imwe! Pakuti mwe nge ndi miunda yambura kuwoneka, ndipo ŵanthu ŵakwendayenda pachanya kuti ŵayiziŵa cha.”

Sumu 52:2

Lilime lako le nge ndi lwenbe la kuthwa, iwe wakuchita utimbanizi.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Sumu 64:6

Ŵatata nthowa ziheni, ndipo ŵatiti, “Tanozga chiŵembu chakufikapo.” Mtima ndi maghanaghano gha munthu vyakuziziswa!

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

1 ŴaTesalonika 2:5

Chifukwa, uli ndimo muziŵiya, chingana nkhuti kosekose tinguŵa ŵakukamba utesi mu mazu cha, chingana nkhuti tinguŵa ŵarghargha mu bina cha, Chiuta ndiyo kaboni;

Luka 11:39

Ndipo Mbuya wagumunene, “Sono imwe mwaŵaFarisi muphoto kubwaro ko kwa jomera ndi kwa mbali; kweni mukati mwinu muzala kufyonkhonyo ndi uheni.

Ezra 8:21

Penipo ndingumemeza kufunga kurgha, kuwa ku msinji Ahava, kuti tijiyuyuwe paku Chiuta widu, kupenja nthowa yakurunjika kwaku Iyo paku ifwe ndi ŵana ŵidu, ndi vyuma vidu vyose.

Sumu 27:11

Ambuya, ndisambizgeni nthowa yinu; ndipo ndirongozgeni ku nthowa yakuti ske chifukwa cha ŵarwani ŵangu.

Sumu 69:19

Imwe muziŵa kutozeka kwangu, mo ndalengeskeke ndi kuyuyulika; ŵarwani ŵangu wose mutiŵawona.

Yesaya 26:7

Nthowa ya ŵarunji njakutambara, ndimwe munyoroska nthowa ya ŵakurunjika.