Sumu 49:3 - Tonga Bible 1986

³ Mlomo wangu ukambenge makani gha zeru; marunguruku gha mtima wangu ghaŵenge gha zeru.

Sumu 49:3 Referans Kwoze

Sumu 19:14

Mazu gha mlomo wangu ndi marunguruku gha mtima wangu ghaŵe gha marondeka pa maso pinu, Ambuya, jarawi langu ndi mpozomoski wangu.

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.

Nthanthi 22:17

Tegherezga guto lako, ndi uvwe mazu gha ŵazeru, ndipo ŵika muwongo wako ku chinjeru changu;

Sumu 45:1

Ubwibwituska makani ghamampha mtima wangu; ndikamba ndi karonga makani yagha ndalemba; lilime langu lenge nchakulembe cha mlembi wazeru.

Sumu 37:30

Mlomo wa wakurunjika ukamba zeru, lilime lake likamba cheruzgu.

Sumu 119:130

Kupataula kwa mazu ghinu kupaska ukweru, kupaska zeru kwaku wo mbajira.

Jobu 33:33

Asani cha, tegherezga kwaku ine, uje chisisi, ndipo nkhakusambizganga zeru.”

Jobu 33:3

Mazu ghangu gharongo kurunjika kwa mtima wangu, ndipo cho milomo yangu yiziŵa, yichikamba kwakuneneska.

Marangu 32:2

Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.

Sumu 104:34

Mphanyi Ambuya akondwa ndi sumu yangu, chifukwa atindikondweska.

Sumu 4:3

Kweni ziŵani kuti Ambuya ajiŵikiya pade ŵanthu wo mbakugomezga; Ambuya atuvwa ndichidana kwaku iwo.