Sumu 49:10 - Tonga Bible 1986

¹⁰ Inya, wakawonanga kuti nanga mba vinjeru ŵatufwa, muzereza ndi muvumbwa ŵaparghang'ikenge kwakukozgana, ndi kusiliya ŵanyake uromba wawo.

Sumu 49:10 Referans Kwoze

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

ŴaHebere 9:27

Ndipo uli ndimo kutemeke ŵanthu kufwa kamoza, kweni pavuli pake kweruzgika,

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Nthanthi 30:2

Kwakuneneska nde muzereza limu pakuŵa munthu. Ndilivi kuwamo kwa munthu.

Sumu 94:8

Mwa ŵanthu ŵangu, nkhupusa uli kwa uzereza ko mweneko? Ndizuŵanji mukaŵanga ndi vinjeru?

Sumu 73:22

ndenga wakupusa, ndipo kuti ndinguwamo cha; ndinguchitange ndi nyama pa maso pinu.

Sumu 49:17

Chifukwa asani wafwa kuti wapingengepo kanthu cha; unkhankhu wake kuti ukamurondonga pavuli pake cha.

Yeremiya 17:11

Mweniyo wasaniya usambasi mu nthowa yambura kurunjika, wayana ndi nkhwali yeniyo yiunjika pamoza ŵana wo yengavi kukonkhomo iyo; viyo mukati mwa mazuŵa ghake usambasi ukamuthaŵanga, ndipo pa umari wake wakaŵanga bereŵeza.

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Nthanthi 12:1

We yose wakwanja kuvwiya watanja chinjeru, kweni mweniyo watinkha kuchenjezgeka ndi bereŵeza.

Nthanthi 11:4

Mauromba kuti ghatanduwa cha mu zuŵa la ukari, kweni urunji upozomoska ku nyifwa.

Sumu 17:14

ku ŵanthurumi ndi janja linu, A Chiuta, ku ŵanthurumi wo chigaŵa chawo mbumoyo wamu charu ichi. Mphanyi nthumbu yawo mwayizaza ndi vyo imwe mwaŵaŵikiya; ŵana ŵawo ŵagute kwakurutizga; mphanyi malitema ghawo ŵaghasiriya vyo iwo ŵasiyako.

Sumu 89:49

Ambuya, chaya pani chanju chinu chikuru cha mazuŵa ghakale, ghepani mapanganu gho mungupangana ndi Davidi?

Nthanthi 14:24

Chisoti cha ŵazeru ndi zeru yawo, kweni kupusa nkhuvwala kwa ŵakupusa.