Sumu 46:11 - Tonga Bible 1986

¹¹ Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 46:11 Referans Kwoze

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Marangu 33:27

Chiuta wa muyaya ndiyo malo ghako ghakujamo, ndipo kusi kwe manja ghake gha muyaya. Ndipo wadikiska ŵakupindikana ŵinu paurongo pinu, ndipo watiti, ‘Parghang'a’.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

Sumu 48:3

Mukati mu nyumba zake za ufumu, Chiuta wajirongo mweneko kuŵa chivekeru chakukho.

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

1 ŴaKaronga 20:28

Ndipo wanguza munthu waku Chiuta wangunena ndi karonga wa ŵaYisraele, wanguti, “Viyo atiti Ambuya, ‘Chifukwa ŵaSiriya ŵakamba kuti, “Ambuya ndi Chiuta wamu mapiri kuti ndi Chiuta wamu chidika cha,” chifukwa ichi ndiperekenge chimzinda chose ichi mu janja lako, ndipo ukaziŵanga kuti ine ndine Ambuya.’ ”

2 Mikoka 20:6

Ndipo wanguti, “Ambuya, Chiuta wa ŵambuyafwe, kumbi imwe kuti ndimwe Chiuta wakuchanya cha? Kumbi kuti muwusa cha pa mafuku ghose gha ŵamitundu? Mu janja linu mwe nthazi ndi uchinkhara, mwakuti palive yumoza yo wangaziŵa kumikana namwe?

2 Mikoka 33:13

Wanguromba ndipo Chiuta wanguronde kuŵeyere kwake, wangumwezge so mu ufumu wake. Sono ndipo Manase wanguwamo kuti Ambuya ndiwo Chiuta.

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.