Sumu 45:9 - Tonga Bible 1986

⁹ ŵana ŵanthukazi ŵa ŵakaronga ŵe mukati mu ŵamwali ŵinu ŵakutumbikika; karonga munthukazi watuma pa janja linu la marghe mu golide laku Ofiri.

Sumu 45:9 Referans Kwoze

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”

1 ŴaKaronga 2:19

Viyo Betesheba wanguruta ku karonga Solomoni, kwachiŵereŵeta nayo ghaku Adoniya. Ndipo karonga wangusoka kwachikumana nayo, wangukotamiya iyo, pavuli wanguja pa chitengo ndipo wangudana chakujapo nyina wakaronga: ndipo wanguja ku marghe ghake.

Chivumbuzi 21:2

Ndipo ndinguwona msumba wakupaturika wo, Yerusalemu mufya, wakusikako kuchanya kutuliya kwaku Chiuta, wakurongosoleka nge ndi mwali wanthengwa wakuvwarikikiya mrumi wake.

Chivumbuzi 19:7

Tisangaruke ndi tikondwe ukongwa: tipaske iyo unkhankhu: pakuti yafika nthengwa ya Mwana-mberere yo, ndipo muwoli wake wajirongoso.

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Sumu ya Zisumu 7:1

Nako nkhunozga kwa marundi ghako mu viyato, owe fumukazi mwali we! Marunga gha muvigha vyako ghayana ndi vyakujeduka, nchitu ya manja gha ng'ombwa yako.

Chivumbuzi 21:24

Mu ukweru wake yikendanga mitundu yo: ndipo ŵakaronga ŵapanupasi ŵatolenge mwake unkhankhu wawo.

Yesaya 49:23

Ŵakaronga ŵakaŵanga ausu ŵakukovya, mafumukazi ghawo ghakaŵanga anyoko ŵakukulera. Ŵakajikamiyanga iwe, visku vyawo nkholi pasi ndi kunyanga fuvu la marundi ghako. Sono ndipo ukaziŵanga kuti ndine Ambuya; wo wose ŵalindizga ine kuti ŵakalengeskekanga cha.”

Sumu 45:13

ŵazenge ndi chuma cha mtundu-mtundu. Mwana munthukazi wa karonga mu chipinda chake wavwarikika minjirira ya golide lakwengeka;

Jobu 22:24

asani uŵika golide mu fuvu, ndi golide la Ofiri mu mya yamu msinji,

Sumu 72:10

Ŵakaronga ŵaku Tarshishi ndi ŵarau virwa ŵakaperekanga mipasku; ŵakaronga ŵaku Sheba ndi Seba ŵakamuziyanga ndi mithulu.

1 ŴaKaronga 10:11

Ndipo so ngaraŵa zaku Hiramu zo zazanga ndi golide kutuwa ku Ofiri, zinguza kutuwa ku Ofiri ndi miti yinandi ukongwa ya muŵaŵa ndi mya ya mtengo wapatali.

1 ŴaKaronga 2:9

Viyo ungamulereskanga nge ngwambura kalema cha, pakuti ndiwe munthu wazeru; ukaziŵanga nchine ungwenere kuchita nayo, ndipo ukasiskiyanga nyivu zake ku muunde ndi ndopa.”

1 Mikoka 1:23

Ofiri, Havila, ndi Yobaba; wose yaŵa ŵenga ŵana ŵaku Yokotani.

Nthanthi 7:17

ndadapo vyakununkhira pa bedi langu vya muro, aloe ndi sinamoni.