Sumu 45:15 - Tonga Bible 1986

¹⁵ Warongozgeka ndi chimwemwe ndi kwangara wachisere mu nyumba ya chifumu ya karonga.

Sumu 45:15 Referans Kwoze

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 56:5

ŵakarondiyanga kwangu vyamampha kuruska ŵana ŵanthurumi ndi ŵana ŵanthukazi, chikumbusku ndi zina mukati mu nyumba yangu ndi mu viliŵa vyangu; ndiŵapaskenge zina la muyaya, zina lo kuti likamaranga cha nyengo yose.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yohane 14:3

Ndipo asani ndaruta ndi kukurongosoleni malo, ndituza so, ndipo ndazamkukutoriyani kwaku ndamweni; alinga kuti ko nde ine, namwe so muŵe kweniko.

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Ezekiele 16:10

Ndingukuvwarika saru ya kujeduka ya maŵanga-maŵanga ndi viyato vya chikopa, ndingukuvwinkhiska bafuta wakutowa ndi kukuphemeska saru yakuwolofoka.