Sumu 44:3 - Tonga Bible 1986

³ chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Sumu 44:3 Referans Kwoze

Yoswa 24:12

Ndipo ndingutuma masanganavu paurongo pinu ghenigho ghanguŵadikiska pamaso pinu, ŵakaronga ŵaŵi ŵa Amori, kuti chenga chifukwa cha lipanga linu pamwenga uta winu cha.

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Sumu 77:15

Ndi janja linu munguwombo ŵanthu ŵinu, mphapo yaku Yakobe ndi Yosefe.

Sumu 20:6

Sono ndiziŵa kuti Ambuya akawovyanga wakupakika wawo; amukenge iyo kutuwa kuchanya kwawo kwakupaturika ndi nthazi za upundi za janja lawo la marghe.

Marangu 10:15

Ndipuuli, Ambuya angukondwa ndi kuŵanja auskemwe ndipo Ambuya angusankha mphapu yawo ya pavuli pawo, imwe muruska ŵanthu ŵanyake wose, mpaka zuŵa lino.

Chituwa 15:16

Chofyu ndi chitenthe vyaŵa paku wo; chifukwa cha ukuru wa janja linu, ŵachetama ulaka ndi mwa, mpaka penipo ŵanthu ŵaporotamo Ambuya, mpaka ŵanthu ŵinu ŵaporota wo mwagula.

Sumu 42:11

Wawiyanji pasi wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Sumu 42:5

Wawiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu, ndi Chiuta wangu.

1 Samuele 12:22

Ambuya kuti amudikeninge cha, pa chifukwa cha zina lawo likuru pakuti kwaŵakondweska Ambuya kumumikani imwe kuŵa ŵanthu ŵake.

Sumu 74:11

Chifukwa nchine mwakana kutovya? Chifukwa nchine mumangiya manja ghinu ku msana?

Sumu 17:7

Kwakuziziswa, rongoni chanju chinu chakufikapo, mutaske ndi janja linu lamarghe wo ŵapenja utaski winu ku ŵarwani wawo.

Sumu 4:6

Mbanadi wo ŵatiti, “Owe mphanyi tinguwona cho nchamampha! Kwezgiyani kungweruka kwa chisku chinu paku ifwe, A Chiuta!”

Maŵerengedu 14:8

Asani Ambuya akondwa nafwe ŵakatitorenga ku charu cho ndi kwachitipaska, ncharu chakutaŵala mkaka ndi uchi,

Yesaya 63:12

mweniyo wangutambaruwa janja lake la unkhankhu kuruta ku janja la marghe laku Mosese, mweniyo wangugawuwa maji paurongo pawo kujichitiya mweneko zina la muyaya,

Sumu 80:16

Ŵamawongo ŵidu ŵayocha ndi moto ndi kudumuliya pasi; muŵalereske ndi ukari ndipo muŵaparghang'e!

Yoswa 3:10

Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

2 Samuele 7:23

Ndi mtundu nuwu unyake pa charu chapasi wo uyana ndi khamu linu Yisraele, ŵeniwo Chiuta wanguruta kwachiŵawombo kuti ŵaŵe wanthu ŵake, kujichitiya mweneko zinandi kuŵachitiya vinthu vikuru ndi vyakofya pa kudikiskiya kubwalo mutundu ndi ŵachiuta ŵake paurongo pa ŵanthu ŵake?

2 Mikoka 20:7

Kumbi kuti ndimwe cha Chiuta widu yo wakudikiska ŵeneko ŵacharu ichi paurongo pa ŵanthu ŵino ŵaYisraele, kuchipaska ku mphapu yaku Abrahamu bwezi linu muyaya?

Sumu 78:55

Wangudikiska mitundu paurongo pawo, wanguŵagaŵiya chihara chawo ndi mweso, ndi kujarika mafuku ghaku Yisraele mu mahema ghawo.

Sumu 80:9

Munguyinozge malo kuti yikuwenge; nkhorozo zake zingusere pasi, ndipo yinguthaza charu chose.

Sumu 111:6

Arongo mazaza ghawo ku ŵanthu ŵawo, pa kuŵapaska vyaru vya ŵalendo.