Sumu 44:20 - Tonga Bible 1986

²⁰ Viyo asani taruwa zina laku Chiuta widu, pamwenga kutamburuliya manja ghidu ku chiuta mlendo,

Sumu 44:20 Referans Kwoze

Sumu 81:9

Mungateŵetiyanga chiuta wa chilendo cha, pamwenga kusopa so Chiuta wa kuchiri kunyake.

Jobu 11:13

“Asani unganyoroska mtima wako, ukanyoroskanga kwaku iyo manja ghako.

Sumu 68:31

Ŵamirizi ŵakazanga kutuwa ku Egipiti; ŵaEtiopia ŵakasoskanga manja ghawo mu kuromba kwaku Chiuta.

Marangu 6:14

Mungarondonga ŵachiuta ŵanyake, ŵachiuta ŵa ŵanthu wo ŵakukuzungulizgani;

Sumu 78:11

Ŵanguruwa nchitu zake, vwakuziziswavyo wanguŵarongo.

Sumu 44:17

Chose ichi chatiziya, kweni kuti taruwa imwe cha, chingana nkhuchita kwautesi mu phanganu linu.

1 ŴaKaronga 8:22

Sono Solomoni wanguma paurongo pa chiguŵa cha Ambuya pa maso gha umba wose wa ŵaYisraele, ndipo wangutambaruliya kuchanya manja ghake,

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

Sumu 63:11

Kweni karonga wakondwenge mwaku Chiuta; wose ŵakurapiya paku iyo ŵangarenge; chifukwa milomo ya ŵatesi yikajarikanga.