Sumu 44:19 - Tonga Bible 1986

¹⁹ nanga imwe mwatiphwanya mu malo gha ŵakambwe, ndipo ndi kutivimba ndi munkhorwe.

Sumu 44:19 Referans Kwoze

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Jobu 3:5

Mdima ukuru ndi mduzi wa nyifwa viliŵange kuŵa lawo. Mitambo yiwe pachanya pake, mdima wa zuŵa ulitenthemeske.

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.

Sumu 51:8

Ndizazeni chimwemwe ndi kukondwere; vyangare viwanga vyo mwaphwanya.

Chivumbuzi 16:10

Mungelo wachinkhonde wangupunguliya mbali yake pa chitengu-chaufumu cha chikoku cho; ndipo ufumu wake ungufipiskikabi! Viyo kuti ŵajemuwanga malilime ghawo chifukwa cha urwirwi,

Chivumbuzi 13:2

Ndipo chikoku cho ndinguwona chingukozgana ndi nyalubwe ndi marundi ghake nge ndi chipembere, mlomo wake nge ndi mlomo wa nkharamu. Ndipo nchalinda yo wanguchipaska nthazi yake, ndi chitengu chake chaufumu ndi mtufu ukuru.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Ezekiele 29:3

kamba, unene kuti, viyo atiti Ambuya Chiuta: Awona, ndimikana nawe, Farao karonga wa Egipiti, nchalinda mukuru yo wagona mukati mu misinji yake, yo watiti, ‘Nile wangu, ngwakundamweni; ndikumulenga ndine.’

Yesaya 35:7

mchenga wakocha ukasandukanga thaŵali, ndi charu chiyumu chikaŵanga misisi ya maji; mwakuchezga ŵakambwe mukasandukanga viyaghayagha, uteka ukasandukanga matete ndi magumbwa.

Yesaya 27:1

Mu zuŵa liya Ambuya ndi lipanga lawo likhomi, likuru ndi lakulimba, akalanganga Leviathani chinjoka chakuthaŵathaŵa, Leviathani chinjoka chakunyongoroka-nyongoroka, ndipo akabayanga cha nchalinda cho che mu nyanja.

Sumu 38:8

Ndarombotoka ukongwa ndi kuphwanyika; nditamantha chifukwa cha chiwawa cha mtima wangu.

Jobu 30:29

Nde mbali wa ŵakambwe, ndi mubwezi wa zingaru.

Jobu 23:11

Phazi langu lakaniriya ku michapu yake; ndandondoroska nthowa yake ndipo ndilive kupatukiya kumphepete.