Sumu 44:10 - Tonga Bible 1986

¹⁰ Mutitiwezge vuli kutuwako ku ŵakupindikana ŵidu: ndipo ŵarwani ŵidu ŵaskowa.

Sumu 44:10 Referans Kwoze

Yoswa 7:8

Okwe Ambuya, ndikambengenji, penipo ŵaYisraele ŵarazga misana yawo ku ŵakupindikana ŵawo!

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Sumu 89:41

Wose ŵakujumphapo ŵatimuskowa waŵa chitozeru ku ŵakuzengezgana wake.

Yoswa 7:12

Chifukwa ichi Yisraele kuti wangama cha paurongo pa ŵarwani ŵake; ŵarazga misana yawo paurongo pa ŵakupindikana ŵawo, chifukwa ŵasanduka chinthu chakubayika. Kuti nkhaŵanga namwe so cha, kwambura kuti mutuzgemo vyakukanizgika vyo mukati mwinu.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Yeremiya 20:8

Pakuti penipo pose ndikamba, ndiliya, ndibangula, “Chiwawa ndi phasulu!” Pakuti mazu gha Ambuya ghandiŵiya ine tozu ndi chakusekeka zuŵa lose.

Yeremiya 15:13

“Uromba winu ndi mbiku zinu ndikaperekanga kuŵa vyakuskowa, kwambura mtengo, chifukwa cha uheni winu wose, mu charu chinu chose.

Yesaya 10:14

Janja langu lasaniya nge nchivimbu usambasi wa ŵanthu, ndipo uli mbanthu ŵaunjika mazira gho ghajoworeka, viyo ndimu ndaunjikiya charu chapasi; ndipo pengavi yumoza yo wangunderezgapo phapha limoza, pamwenga kujura mlomo, chingana nkhu ng'ung'uta.”

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

1 Samuele 4:17

Wakupinga makani wanguti, “Yisraele wathaŵa paurongo pa ŵaFilisti, ndipo so kwaŵa kubayika kukuru mukati mu ŵanthu, ŵana ŵinu nawo Hofini ndi Finehasi, ŵafwa, ndipo, bokosi la phanganu laku Chiuta lakwamphulika.”

ŴaLevi 26:14

“Kweni asani murekenge kundivwiya, ndi kuti mukachitanga kwakuyana ndi marangu ghose yagha cha,

Maŵerengedu 14:42

Mungakweriyangako cha vinu mungapumika ndi ŵarwani ŵinu, pakuti Ambuya ŵalivi kwenda pamoza namwe.

Maŵerengedu 14:43

Pakuti Amaleke ndi ŵaKanani ŵekwenikuwa kuurongo kwinu, ndipo mwamubayika ndi nkhondo; chifukwa mwatuwako ku kulondo Ambuya, viyo Ambuya kuti akaŵanga namwe cha.”

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Sumu 60:12

Pamoza ndi Chiuta tikachitanga kwakukhuza; ndipo wakandirizgenge ŵakumikana nafwe.

Sumu 89:39

Mwazimwa phanganu ndi mteweti winu, chifuku chake mwataya mu fuvu.

Sumu 89:43

Vidya vyake mwavisanduska vyawakawaka, ndipo mwamuthereska mu nkhondo.