Sumu 43:4 - Tonga Bible 1986

⁴ Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Sumu 43:4 Referans Kwoze

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Sumu 57:8

Yuka, mzimu wangu! Yuka, wabangwi ndi kaligu we! Ndiyukenge ndi chivivivi!

Sumu 33:2

Tumbikani Ambuya ndi kaligu, ŵakoŵeriyeni ndi bangwi wa malisinga chumi!

Sumu 81:2

Samphuskani nkhoŵera, mbani zing'oma; mbani sumu zakunozga pa bangwe ndikaligu.

Sumu 42:6

Mzimu wangu wawa pasi mukati mwangu, pa chifukwa ichi ndikumbuka imwe, kutuliya ku charu cha Yordane ndi cha Hermoni, kutuwa ku phiri la Mizara.

Sumu 26:6

Manja ghangu ndisamba mu kuwura kafukwa, ndipo ndizunguliyenge jochero linu, Ambuya,

2 Samuele 6:5

Ndipo Davidi ndi nyumba yose yaku Yisraele ŵangukondwere pa maso pa Ambuya ndi nthazi yawo yose, ndi zisumu, ndi ŵakaligu, ndi ŵapangwi ndi ng'oma, ndi visokotu, ndi vijewere.

ŴaRoma 5:11

Viyo pe cha, kweni so titumbwiya mwaku Chiuta mu Ambuyafwe Yesu Kristu, mwaku mweniyo tarondere sono muwoju wo.

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Sumu 57:9

Ndiwongenge imwe, Ambuya, mukati mu ŵanthu; ndimbiyenge kwaku imwe marumbu mukati mu mitundu.

Sumu 63:2

Mphanyi ndamuwonani mu malo ghakupaturika, mphanyi ndawona nthazi yinu ndi unkhankhu winu.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”