Sumu 43:3 - Tonga Bible 1986

³ Tumani ukweru winu ndi uneneska winu; vindirongozge, vindifikiske ku phiri linu lakupaturika ndi kweniko muja imwe!

Sumu 43:3 Referans Kwoze

Sumu 36:9

Pakuti chisima cha umoyo che ndi imwe; mu kungweruka kwinu ifwe tiwona ukweru.

Yohane 1:4

Mwaku iyo mwenga umoyo, ndipo umoyo wo wenga kungweruka kwa ŵanthu.

Sumu 143:10

Ndimwe Chiuta wangu; ndisambizgeni kuchitakhumbo linu. Mzimu winu undichitiye umampha, ndirongozgeni mu nthowa yakunyoroka.

Sumu 119:105

Mazu ghinu ndi nyali kumarundi ghangu, ndi ukweru wa nthowa yangu.

Sumu 97:11

Ukweru uŵaliya pa ŵakurunjika, chimwemwe che pa ŵakutowa mu mtima.

Sumu 84:1

Nako nkhutowa kwa chakujamo chinu, Ambuya ŵa maŵanja!

Sumu 40:11

Ambuya mwe, rekani kukanizga lisungu linu paku ine, chisungusungu chinu ndi umagomekezgeka winu vindisunge muyaya!

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Sumu 57:3

Watumenge kutuwa kuchanya ndi wanditaskenge, walengeskenge wo ŵatijitunthwiya paku ine. Chiuta wakatumanga chifundu chake ndi ukongorekwa wake!

Sumu 3:4

Ndidanirizga ukongwa ku Ambuya, ndipo atindimuka kutuliya mu phiri lawo lakupaturika.

Mika 7:8

Mungasekeriyanga paku ine cha, mwa ŵarwani ŵangu, ndichiwa, nkhayukanga; ndichija mu mdima, Ambuya akaŵanga ukweru kwaku ine.

Sumu 78:68

Mu malo ghake angusankha fuku laku Yuda, ndi phiri Zioni, lo angwanja ukongwa.

Sumu 46:4

Kwe msinji wo maji ghake ghakondweska msumba waku Chiuta, uja wakupaturika wa wapachanya limu.

Sumu 42:4

Vinthu ivi ndikumbuka, nge ndimo ndipunguliya mzimu wangu: ponda rutiyanga ndi mzinda, pakuŵadanjiriya ku nyumba yaku Chiuta, mu kukambura kwa likondwa ndi sumu za kuwonga, mzinda wakusunga visopo vya dghera.

Sumu 2:6

“Ndamika karonga wangu pa Zioni, phiri langu lakupaturika.”

1 Mikoka 16:1

Ndipo ŵanguza nalo bokosi laku Chiuta, ndi ŵanguliŵika mu hema lo Davidi wangulijinthiya; ndipo wangupereka sembe yakocha, ndi sembe ya chimangu, paurongo paku Chiuta.

1 Mikoka 16:39

Ndipo wangureka Zadoki mzukuru ndi ŵabali ŵake ŵazukuru paurongo pa hema lakuwunganamo la Ambuya mu malo gha pachanya ghenigho ghenga ku Gibeoni,

2 Samuele 15:20

Ndipo unguza la zana, sono mbweno msana wale nditikumbwatambwatiska kwenda nafwe; pakuwona kuti ndiruta, ko ndita nako kuti ndiziŵako cha: were kuvuli, rutanga pamoza ndi ŵabali ŵako, kwanja ndi lisungu la Ambuya viŵe nawe.”

1 Mikoka 21:29

Chifukwa chihema cho wanguchita Mosese mu bozwa ndi jochero la sembe yakocha vyenga mu malo gha pachanya mu nyengo yiya ku Gibeoni;

2 Samuele 15:25

Karonga wangunena ndi Zadoki, “Weriyani nalo mu msumba Bokosi laku Chiuta. Asani Ine ndasaniya wezi mu maso gha Ambuya akandiwezganga so ndazamukuliwona lo, ndi malo gho lijapo,

Sumu 57:4

Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.