Sumu 42:9 - Tonga Bible 1986

⁹ Ndinena kwaku Chiuta, jarawi langu! “Mwandiruwiyanji ine? Chifukwa chine nditenda ndichitenje pa kuzitiskika ndi murwani?”

Sumu 42:9 Referans Kwoze

Sumu 38:6

Ndakotama ukongwa ndasindama; zuŵa lose nditenda wakutenje.

Sumu 43:2

Pakuti imwe mwa ŵaChiuta mwaku mweniyo ndidingang'a; kumbi mwandijowoliyanji? Chifukwa chine nditenda ndichitenje, pa kuzitiskika ndi murwani?

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Yesaya 40:27

Chifukwa chine urongoro, Yakobe, ndipo ukamba, Yisraele we, “Nthowa yangu yabisika ku Ambuya, ndipo mwenera wangu walivi kuwuphwere Chiuta wangu”?

Sumu 62:2

Iyo pe ndiyo jarawi langu ndi chipozomosko changu, ndi linga langu; kuti ndisukuniskikenge weniukongwa cha.

Sumu 28:1

Kwaku imwe, Ambuya ndidana; jarawi langu, rekani kundiŵiya nge ndi mgota, vinu, po imwe mutakuti mwaja chete, ine ndikaŵanga nge ndiwo ŵasikiya ku zenje.

Yesaya 49:15

“Kumbi munthukazi wangaruwa mwana wake wakonkha, kuti wareke kuŵa ndi chitima pa mwana wa chibali chake?” Inya yaŵa ŵangaruwa kweni ine kuti ndikuruwenge cha.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Sumu 88:9

maso ghangu ghatakamiya chifukwa cha suzgu. Ambuya, zuŵa ndi zuŵa ndidana kwaku imwe, ndipo manja ghangu ndisoske kwinu mu kuromba!

Sumu 78:35

Ŵangukumbuka kuti Chiuta ndi jarawi lawo, kuti Chiuta wapachanya limu ndi muwombozi wawo.

Sumu 77:9

Kumbi Chiuta waruwa kuŵa wa chisungusungu? Kumbi ukari ndiwo wato malo gha chitima chake?”

Sumu 55:3

Ndatimbanizgika ndi kuwawata kwa murwani, chifukwa cha kuzingizga kwa ŵaheni; pakuti ndi wo ŵatinditore suzgu, ndipo mu ukari wawo ŵatindizingizga.

Sumu 13:1

Mpaka zuŵanji Ambuya? Kumbi mundiruwenge muyaya? Mpaka zuŵanji mundibisiyenge chisku chinu?

Sumu 92:3

pa chirumbu cha malisinga ndi kaligu, pakumba ndi bangwi.