Sumu 42:2 - Tonga Bible 1986

² Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Sumu 42:2 Referans Kwoze

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Sumu 84:10

Kutandara zuŵa limoza mu nyumba yinu yakupaturika nkhwamampha, kwakuruska kutandara kunyake mazuŵa chikwi. Ine mphanyi ndinguwa wakuma pa likomo la nyumba yaku Chiuta kwakuruska kuja mu mahema gha ŵaheni.

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Yohane 7:37

Zuŵa lakumariya, la dghera, lenga zuŵa likuru, wanguma Yesu ndipo wangukambura, wakuti, “Asani munthu we ndi nyota, waze kwaku ine, ndi wamwe.

Sumu 84:2

Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

Sumu 84:4

Mbakutumbikika wo ŵaja mu nyumba yinu, nyengu yose kumumbiyani rumbu!

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Jobu 23:3

Owe! Asani ndinguziŵa ko ndingamsaniya, mphanyi ndinguza ku chitengo chake!

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

Yohane 5:26

Chifukwa uli ndimo Dada waliri ndi umoyo mwaku yija, viyo so wampaska Mwana kuŵa ndi umoyo mwaku yija,

Sumu 84:7

Ŵakuliya-ukuliya munthazi ŵachiruta; mu Zioni ŵakawonanga Chiuta wa ŵachiuta.

Chituwa 23:17

Katatu mu chirimika ŵanthurumi ŵinu ŵakajirongonga paurongo pa Ambuya Chiuta.

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yoswa 3:10

Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

Sumu 63:3

Chifukwa chifundu chinu nchamampha kwakuruska umoyo, viyo milomo yangu yikarumbanga imwe.

Yesaya 26:8

Mu nthowa ya vyeruzgu vinu, Ambuya, titumulindizgani, zina linu lakukumbukika ndilo linweka la mzimu widu.