Sumu 40:2 - Tonga Bible 1986

² Angundizuwuwa mu zenje lakofya, mu dongo la urambwi, angumika marundi ghangu pa jarawi, angukhozga menderu ghangu.

Sumu 40:2 Referans Kwoze

Sumu 37:23

Michapu ya munthu yituliya ku Ambuya, ndipo achirikizga yo iwo akondwa nayo mu menderu ghake;

Sumu 119:133

Ndikhozgeni ndingawa, nge ndimo mukukambiya; ndipo ndireke kuruskika ndi uheni.

Sumu 27:5

Chifukwa akandibisanga mu mduzi wawo mu zuŵa la suzgu yangu; andijariyenge mukati mu hema lawo, andimekenge pachanya pa jarawi.

Sumu 61:2

kutuliya ku chigoti cha panu pasi ndidana kwaku imwe, penipo mtima wangu wavuka. Ndirongozgeni ine, ku jarawi lo nditali kwakuruska ine;

Sumu 71:20

Imwe mwanditumiya suzgu ndi vyakupweteka, kweni mukandisisipuskanga so; kutuwa ku ndimba za charu chapasi; imwe mukandisoskiyanga so pachanya.

Sumu 86:13

Pakuti chanju chinu nchikuru pakuine; mwanditaska kutuwa pasi pa muunda.

Sumu 69:2

Ndibira mu urambwi wakuzoroke, ndipo palivi charu chiyumu chakumapo; ndafika mu ndimba ya maji, ndipo zandi watindikukurwiska.

Zekariya 9:11

Kweni iwe nawe, chifukwa cha ndopa za phanganu langu ndi iwe, ndituzgenge wamagoŵa wako mu mbuna yambura maji.

Sumu 18:36

Michapu yangu mwayipaska malo ghasani pasi pangu, ndipo marundi ghangu kuti ghangateremuka cha.

Machitidu gha Ŵakutumika 2:24

Kweni Chiuta wangumuyuska, wati wamasuwa maurwirwi gha nyifwa, chifukwa kuti kwenga kwamachitika cha kuti wagodeke nayo.

Sumu 143:3

Murwani wandizingizga, waphwatiya pasi umoyo wangu; wandiŵika mu mdima, ulaka ndiwo ŵakufwa kale.

Sumu 17:5

Menderu ghakukho mu nthowa zinu; marundi ghangu kuti ghateremuka cha.

Sumu 116:3

Yingudizinga mikoŵa ya nyifwa, maurwirwi gha muunda ghangundikwetere; ndinguzazika mantha ndi chitima.

Mateyu 13:50

ndipo ŵaŵapong'enge ku ng'anjo ya moto; kweniko kuŵenge kuliya ndi kukukuta kwa minyu.

Yesaya 24:22

Ŵakaunjikikanga pamoza uli mba magoŵa mu zenje, ŵakajarikiyanga mu nyumba ya magoŵa, ndipo pavuli pa mazuŵa ghanandi ŵakalangikanga.

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.