Sumu 40:17 - Tonga Bible 1986

¹⁷ Kweni nge ndine, nde mukavu ndi musauchi; kweni ndipuuli Ambuya atindikumbuka. Imwe ndimwe chovyo changu ndi mtaski wangu; A Chiuta wangu, mungasweranga!

Sumu 40:17 Referans Kwoze

Sumu 70:5

Kweni ine ndemukavu ndi musauchi; zani kwangu ruŵi A Chiuta! Ndimwe chovyo changu ndi mpozomoski wangu, Ambuya, mungasweranga cha!

Yesaya 41:17

Penipo ŵasauchi ndi ŵasokwa ŵapenja maji, ndipo palivi, ndipo lilime lawo lomilwa ndi nyota, ine Ambuya ndiŵamukenge, ine Chiuta waku Yisraele kuti ndikaŵajowonga cha.

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

Sumu 34:6

Musauchi uyu wangubongo, ndipo Ambuya angumuvwa, angumtaska mu visuzgu vyake vyose.

1 Petro 5:7

pakupong'a paku iyo kweŵeku linu lose, pakuti waphwere imwe.

Sumu 54:4

Ehe, Chiuta ndi movya wangu; Ambuya ndi muvikiriya wa umoyo wangu.

Sumu 40:5

Ambuya, Chiuta wangu, mwandaniska nchitu zinu zakuziziswa ndi maghanaghanu ghinu gha paku ifwe; palivi nanga njumoza wakuyana namwe! Asani ndenga wakughataula ndi kughakamba, mphanyi ghaŵa ghanandi ghambura maŵerengeka.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Sumu 86:1

Tegherezgani kwangu, Ambuya, ndipo mundamuke, chifukwa nde wakusuzgika ndi msauchi.

Sumu 69:33

Ambuya atuvwa ŵasauchi, ndipo kuti apata wo mbawo cha nanga ŵaŵe mu kumangika.

Chivumbuzi 22:20

Mweniyo wasimikizga vyenivi watiti, “Inya nthuza ruŵi.” Ameni. Zaninge, Ambuya Yesu.

1 Petro 2:23

wachinyozeka iyo, kuti wanyozanga cha; wachikomwa, kuti wafinganga cha, kweni wajiperekanga kwaku mweniyo wateruzga kwaurunji.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

Mateyu 8:20

Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.”

Sumu 109:22

Nde mukavu ndi msauchi; ndalasika mpaka mukati mwa mtima wangu.

Sumu 34:4

Ndingupenja Ambuya, ndipo angundamuka, angundipozomoska mu mantha ghangu ghose.

Sumu 35:27

Ŵakambure ndi chimwemwe ndipo ŵakondwe wo ŵanweke urunji paku ine, nyengo yose watinge, “Mbakuru Ambuya, wo akankhaŵiya muchimangu cha mteŵeti wawo!”

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”