Sumu 4:6 - Tonga Bible 1986

⁶ Mbanadi wo ŵatiti, “Owe mphanyi tinguwona cho nchamampha! Kwezgiyani kungweruka kwa chisku chinu paku ifwe, A Chiuta!”

Sumu 4:6 Referans Kwoze

Sumu 80:19

Tiwezgeni, Ambuya Chiuta wanthazi zose! Tirongoni chanju chinu, alinga kuti titaskike!

Maŵerengedu 6:26

Ambuya ayinuskiye paku imwe chisku chawo, ndi kukupaskani chimangu.

Sumu 119:135

Nditumbikeni ndi uŵapo winu, ndipo ndisambizgeni marangu ghinu.

Sumu 80:7

Tiwezgeni, A Chiuta wanthazi zose! Mutirongo chanju chinu, alinga kuti titaskike!

Sumu 89:15

Ŵakukondwa mbanthu wo ŵasopa imwe ndi zisumu, wo ŵatenda mu ukweru wa chisku chinu,

Sumu 67:1

Chiuta, mutichitiye wezi mutitumbike, mungweruske chisku chinu paku ifwe.

Luka 16:19

“Ndipo kwenga msambasi yumoza, yo wavwaranga vyakujeduka ndi bafuta wakuworofoka, wakukondwa zuŵa ndi zuŵa;

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Sumu 21:6

Inya, imwe mwamutumbika muyaya; mwamukondweska ndi chimwemwe pa maso pinu.

Yakobe 4:13

Ekwe, aimwe, mwaŵakukamba, “Le pamwenga mawa tikenge ku muzi wakuti e, ndipo titandarenge kweniko chaka chimoza, tamgula ndi kusaska, ndi kwanduwa”;

Luka 12:19

Ndipo ndineniyenge mzimu wangu, Wamzimu, we navyo vyuma vinandi vyakuŵikikiya ku virimika vinandi; pumuwapo; irgha, imwa, kondwa.’

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Sumu 42:5

Wawiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu, ndi Chiuta wangu.

Marangu 33:19

Wakadaniyanga ŵanthu ku Phiri lawo, penipo ŵapereka sembe zakwenere, pakuti ŵatonkha usambasi wa zinyanja ndi mbiku zakubisika zamu muchenga.”

Malaki 3:3

wajenge nge ngwakwenga ndi wakutozga siliva. Wakatozganga ŵana ŵaku Levi ndi kuŵayengetuwa nge ndi golide ndi siliva, mpaka ŵapereke mipasku yakwenere ku Ambuya.