Sumu 4:2 - Tonga Bible 1986

² Mwa ŵanthu mwe, mpaku zuŵanji ulemu wangu uŵenge wa soni? Mpaka zuŵanji mwanjenge mazu ghawaka, ndikupenja mautesi?

Sumu 4:2 Referans Kwoze

Nthanthi 1:22

“Mpaka zuŵanji, mwaŵana, mwanjenge vya chiwanamana? Mpaka zuŵanji ŵakutafura ŵakakondwerenga mu kutafura kwawo ndi ŵakupusa kutinkha zeru?

Hoseya 4:7

Kwakulingana nge ndimo ŵangwandaniyana ukongwa, ndimu so ŵangundilakwiya; ndisinthenge unkhankhu wawo kuŵa soni.

Sumu 3:3

Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Sumu 106:20

Ŵangusopa chikozgo cha nyama ya kurgha uteka mu malo ghakusopa Chiuta.

Sumu 5:6

Imwe mumarenge wo mbakukamba mautesi; Ambuya apata ŵanthu ŵakudiska ndopa ndi ŵakupusika.

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

Wakutaula 8:11

Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

1 Samuele 12:21

rekani kupatukiya ku vinthu vyawaka vyo vilivi chanduwu nanga mbutaski, pakuti vyawaka.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Yesaya 59:4

Palivi yumoza yo wasere pa mlandu mu uneneska palivi yo watiya ku dangu mu ukongorekwa; ŵayegeme pa mpandira uyumu, ŵarongoro mautesi, ŵazuwuka urwani, ndipo ŵapapa mphurupuru.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Yesaya 20:5

Sono ŵakazizwanga ndi kutimbanizgika chifukwa chaku Etiopia gomezgu lawo ndi Egipiti thamu lawo.

Sumu 63:11

Kweni karonga wakondwenge mwaku Chiuta; wose ŵakurapiya paku iyo ŵangarenge; chifukwa milomo ya ŵatesi yikajarikanga.

Sumu 58:3

Ŵaheni ŵaranda kutuliya ku chibali, ŵaranda kutuliya ku kawi, ŵakamba mautesi.

Sumu 58:1

Kumbi nadi mukamba urunji, mwa ŵachiuta imwe? Kumbi muteruzga kwakurunjika mwa ŵana ŵa ŵanthu?

Sumu 57:4

Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.

Sumu 31:6

Imwe mutinkha wo mbakuphwere ŵangoza ŵa waka; kweni ine ndigomekezga mu Ambuya.

Sumu 14:6

Iwe utiti urengeske fundu ya wakusauka, kweni Ambuya nchakudingang'amo chake.

Sumu 2:1

Yimotokiyanji kwakuwawata mitundu, ndipo ŵanthu ŵarungurukiyanji chawaka?

Wakutaula 9:3

Ichi nchawuyu mwaku vyose vyo vichitika panu pasi, kuti chinthu chimoza chifikiya kwaku wose; ndipo so mitima ya ŵanthu yazaza ukazuzi, kufuntha kwemu mitima yawo po ŵeche ndi umoyo, ndipo, pavuli ŵaruta ku ŵakufwa.

Sumu 72:2

alinga kuti weruzgenge ŵanthu ŵinu mu uneneska, ndi kuwunganiska ŵasauchi mu urunji.

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

1 ŴaKorinte 1:31

alinga kuti, uli ndimo kwalembeke, “Wakutumbwa watumbwiye mu Ambuya.”

Yeremiya 2:5

Ambuya atiti viyo, “Nchiheni uli cho auskemwe ŵangusaniya mwangu pakuti ŵanguya kutali ndi ine, ndipo ŵangundondoloska vinthu vyambura phindu ndipo ŵangusanduka ŵaŵakaŵaka?

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Machitidu gha Ŵakutumika 24:9

Ndipo ŵaYuda nawo ŵangusanganapo, ndi kukokomezgapo kuti vyenivyo vyenga viyo.