Sumu 37:7 - Tonga Bible 1986

⁷ Uje chisisi paurongo pa Ambuya, uŵalindizge kwakuzika; reka kujikweŵeska chifukwa cha wakusakata mu nthowa yake, chifukwa cha munthu wakuchita viheni!

Sumu 37:7 Referans Kwoze

Sumu 27:14

Lindizga Ambuya; uŵe wanthazi, khwima mtima; inya, lindizga Ambuya!

Sumu 62:5

Mzimu wangu ulindizga chisisi mwaku Chiuta; chigomezgu changu ndiŵika mwaku iyo.

Nthanthi 20:22

Ungambanga cha, “Nkhalipanga uheni”; lindizga Ambuya, ndipo akakovyanga.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Sumu 40:1

Kulindizga ndingulindizga Ambuya; angutegherezga, anguvwa nkhuta yangu.

Yesaya 30:15

Pakuti viyo atiti Ambuya Chiuta, Mtuŵa yo Yumoza waku Yisraele, “Pakuwe ndi kupumuwa mukataskikanga; mu chisisi ndi mu chigomezgu mukaŵanga nthazi yinu.”

Sumu 62:1

Kwaku Chiuta pe ulindizga chisisi mzimu wangu; utaski wangu utuliya kwaku iyo.

ŴaGalatia 6:9

Ndipo tingavuka cha pakuchita cho nchamampha: chifukwa pa nyengo yake yiyo tikavunanga, pakureka kuropwa.

Yesaya 8:17

Ndikarindizganga Ambuya, wo abisa chisku chawo ku nyumba yaku Yakobe, ndipo ndikagomekezganga mwaku iwo.

Yoswa 10:12

Penipo Yoswa wangunena ku Ambuya mu zuŵa lo Ambuya angupereka Amori ku ŵaYisraele; ndipo pa maso gha ŵaYisraele wanguti, “Lumwi, umi jo pa Gibeoni, ndipo iwe mwezi mu dambo la Aijaloni.”

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Yona 1:11

Ndipo ŵanguti kwaku iyo, “Kumbi tingachitanji kwaku iwe, kuti nyanja yitiŵiye bata?” Chifukwa Nyanja yinguyuka ukongwa ndi mphepo ya lirondo.

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Sumu 50:8

Kuti nditukususka chifukwa cha sembe zako cha; mipasku yako yakocha ye paurongo pangu rutaruta.

Estere 3:15

Mathenga ghanguruta kwakutinthimiskika ndi mazu gha karonga, ndipo langulu ili linguperekeka mu msumba Susa. Ndipo karonga ndi Hamani ŵanguja pasi, ŵamwanga, kweni msumba unguyungwanika.

Jobu 35:14

Nanga mutiti mutimuwona cha, nanga mutiti mrandu we paurongo pake, ndi kuti mutimurindizga!