Sumu 37:29 - Tonga Bible 1986

²⁹ Ŵakurunjika ŵaharenge charu, ndipo ŵakajanga paku cho muyaya.

Sumu 37:29 Referans Kwoze

Nthanthi 2:21

Pakuti ŵakunyoroka ŵakajanga mu charu, ndipo ŵanthu ŵakujisunga umampha ŵakajaliriyanga mwaku cho;

Sumu 37:9

Chifukwa ŵaheni ŵakadumulikanga; kweni wo ŵalindizga Ambuya ŵakaharanga charu.

2 Petro 3:13

Kweni, kwakulingana ndi phanganu lake, tilereze machanya ghafya ndi charu chifya mwenimo muja urunji.

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.

Sumu 37:18

Ambuya aziŵa mazuŵa gha ŵakongorekwa, ndipo chihara chawo chikajaririyanga muyaya;

Sumu 37:11

Kweni ŵakuzika ndiwo ŵakaharanga charu, ŵakondwenge mu chimangu chikuru.

Marangu 30:20

pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”

Sumu 37:27

Tuwaniko ku kwananga, chitani umampha; viyo mukajaririyanga muyaya.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Sumu 25:13

Iyo mweneko wakajanga mu kusakata, ndipo ŵana ŵake ŵakaharanga charu.

Yesaya 57:13

Muchibongo chinkhumbu chinu chawangoza chikutaskeni! Mphepo yikaŵaputiskiyanga kunyake, mvuchi ukaŵatolenga kutali. Kweni wakudingang'a mwaku ine wakaharanga charu, ndipo wakaharanga phiri langu lakupaturika.

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.