Sumu 37:27 - Tonga Bible 1986

²⁷ Tuwaniko ku kwananga, chitani umampha; viyo mukajaririyanga muyaya.

Sumu 37:27 Referans Kwoze

Sumu 34:14

Tuwako ku uheni, chita umampha; penja chimangu, ndi uchindondoloske.

Nthanthi 16:6

Pakujithereska ndi kugomekezgeka mphulupulu yilipika, ndi so ndi kopa Ambuya munthu wareka uheni.

ŴaHebere 13:21

wakongoreske imwe ku mlimu wose wamampha, kwachichita khumbu lake, ndi watataliye mwaku imwe cho nchakukondweska paurongo pake, mwakuYesu Kristu; kwaku mweniyo kuŵiyenge unkhankhu muyaya-muyaya, Ameni.

ŴaHebere 13:16

Ndipo kuchita umampha ndi kusangana kwawezi mungaruwanga cha: pakuti ndi visopu vyaviyo Chiuta wakondwereskeka ukongwa.

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

Nthanthi 16:17

Nthowa yikuru ya ŵakurunji kayinganamukiya kunyake kutuwako ku uheni; mweniyo wavikiriya nthowa yake wasunga umoyo wake.

Sumu 102:28

Ŵana ŵa ŵateŵeti ŵinu ŵakajanga umamphavi, ndipo mazuŵa ghose mphapu yawo yikakhozgekanga paurongo pinu.

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

Tito 3:14

Ndipo ŵidu nawo ŵasambire kutataliya ku mausiwa ghaufinyi nchitu yamampha, alinga kuti ŵangaŵanga ŵazirachipasi cha.

Tito 3:8

Ndamagomekezgeka nenedu lo, ndipo paku vyenivi ndikhumba ukokomezgepo iwe, alinga kuti wo ŵagomekezga maku Chiuta ŵaphwerenge kurongo milimu yeneko. Vyenivi ndivyo vyamampha ndi vyawanduzi ku ŵanthu:

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.