Sumu 37:16 - Tonga Bible 1986

¹⁶ Tumanavi to wenato murunji nthwamampha kwakuruska vya uzari vya ŵaheni ŵanandi.

Sumu 37:16 Referans Kwoze

Nthanthi 16:8

Nkhwamamphako kamanavi pamoza ndi urunji kwakuruska kuronde vyuma vinandi pamoza ndi kupusika.

1 Timote 6:6

Kweni uwopa Chiuta pamoza ndi kukoroka mu mtima mbuparauzi ukuru:

Nthanthi 13:25

Murunji wendi vinandi kukhorweskanja yake, kweni rufu la wamphulupulu lisoŵa kurgha.

Nthanthi 3:33

Thembu la Ambuya le pa nyumba ya muheni, kweni atumbika kuja kwa murunji.

Mateyu 6:11

Tipaskeni le kurgha kwidu kwale.

Wakutaula 4:6

Lamampha ndi janja limoza lo lazaza chisisi kwakuruska manja ghaŵi ghakuzaza suzgu ndi kukweŵeskeka kwa mtima.

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.