Sumu 37:15 - Tonga Bible 1986

¹⁵ Lipanga lawo likaserenga mu mtima wa ŵeneko, ndipo mauta ghawo ghakafyokanga.

Sumu 37:15 Referans Kwoze

Sumu 35:8

Phasulu liŵaziye kwa mabuchibuchi! Ndipo chirepa cho ŵakuthya ŵawiremo ŵeneko; zomerani kuti ŵawemo ndi kuparghanika!

Hoseya 1:5

Ndipo pa zuŵa lenilo nkhafyonga uta waku Yisraele mu dambo laku Yezerele.”

Yeremiya 51:56

pakuti wakuparghang'a waza paku iyo, waza pa Babiloni; ŵankhondo ŵake ŵayoleka, mauta ghawo ghafyoka tumanatumana; pakuti Ambuya ndi Chiuta wakuwezge thayu, kwakuneneska wakawezganga nadi.

Sumu 46:9

Arekeska zinkhondo mpaka ku chigoti cha charu chapasi; uta afyo, ndi kuwaruwa mkondo, magareta atocha ndi moto!

2 Samuele 17:23

Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

Hoseya 2:18

Ndipo mu zuŵa lo ndamukukuchitiya phanganu ndi nyama zamu dondo, ndi viyuni vya mude, ndi vithu vyakukwaŵa pasi. Ndipo nkhabwanganduwanga uta, lipanga ndi nkhondo mu charu ndi nkhamugonekanga kwakufwasa.

Yesaya 37:38

Ndipo penipo wasopanga mu nyumba yaku Nisiroki chiuta wake, Adrameleke ndi Sharezara, ŵana ŵake, ŵangumubaya ndi lipanga, ndipo ŵanguthaŵiya mu charu cha Ararati ndipo Esarahadoni mwana wake wanguusa mu malo ghake.

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.

1 Samuele 2:4

Mauta gha vinkhara ghafyoka, kweni ŵakutomboroka ŵakhozgeka ndi nthazi.

Mika 5:6

Iwo ŵakausanga charu cha Asiriya ndi lipanga ndi charu chaku Nimirodi ndi lipanga lakukhwetuwa; ndipo ŵakatitaskanga ku ŵaAsiriya po ŵatuza mu charu chidu ndi kukanda mu mphaka zidu.

Estere 9:16

Kweni ŵaYuda ŵanyake wo wenga mu vyaru vinyake vya karonga ŵanguwungana pamoza kuvikiriya umoyo wawo ndipo ŵangupumuwa ku ŵarwani ŵawo, ŵangukosopo, vikwi machumi ghankhonde ndi ghaŵi pachanya vinkhonde vyaku wo ŵanguŵaŵemba, kweni vyawo kuti ŵanguskoŵa cha.

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Sumu 34:22

Ambuya awombo umoyo wa ŵaŵanda ŵawo; palivi nanga njumoza wa ŵakudingang'a mwaku iwo yo wakasuskikanga.

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”