Sumu 37:14 - Tonga Bible 1986

¹⁴ Ŵaheni ŵasoro lipanga, ŵatweŵa mauta ghawo, kuwiskiya pasi mukavu ndi musauchi, kubaya ŵakwenda kwakurunjika.

Sumu 37:14 Referans Kwoze

Nthanthi 29:27

Munthu wambura kuchita urunji mbukazuzi ku murunji, kweni mweniyo nthowa yake njakunyoroka mbukazuzi ku wamphulupulu.

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

Sumu 11:2

Pakuti ehe, ŵaheni ŵapinda uta, muvwi ŵakoroŵeka kulisinga, kuti mu mdima ŵapong'e pa ŵakunyoroka mu mtima.

Machitidu gha Ŵakutumika 12:11

Ndipo pakuzizimuka Petro watinge, “Sono ndiziŵiska kuti Mbuya watuma mungelo wake, ndipo wanditaska mu janja laku Herode, ndi ku chilereze chose cha khamu la ŵaYuda.”

Machitidu gha Ŵakutumika 7:52

Nunju wa ŵamchimi auskemwe ŵengavi kumndondoloska? Ndi ŵanguŵabaya wo ŵangutauliya limu ndi kazidu ka Murunji yo; mweniyo sono imwe mwakombo ndi mwabaya.

Nthanthi 29:10

Ŵanthu ŵakunweka ndopa ŵatinkha wambura kalema, ndipo wamphulupulu wapenja umoyo wake.

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

1 Samuele 24:17

Wanguti kwaku Davidi, “We murunji ukongwa kuruska ine chifukwa wandiwezge umampha po ine ndakuchitiyanga uheni.

1 Samuele 24:11

Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

Habakuku 1:13

Imwe mwe ndi maso ghatuŵa gho kuti ghalereska uheni cha, ndipo kuti mulereska pa ubudi cha, kumbi mulereskiyanji pa ŵanthu ŵambura chigomezgu, ndikuja ŵaka chete asani muheni wanyenga munthu murunji yo waruska iyo?

Estere 5:14

Ndipo Zeresi muwoli wake, ndi mabwezi ghake ghose ŵanguti kwaku iyo, “Muti wakupayikapo ŵanthu uchitike wa mikono machumi gha nkhonde (50) utali wake, ndipo mawa ukambe ku karonga kuti Mordikayi wapayikike pakuweniwo; iwe ukasere ku dghera wakukondwa pamoza ndi karonga.” Chinthu ichi chingumkondweska Hamani, ndipo wangulangula kuti muti wo ulongosoreke.