Sumu 36:8 - Tonga Bible 1986

⁸ Ŵaguta ndi vyauzari vya nyumba yinu, ndipo mutiŵamweska mu msinji wa vyakukondweska vinu.

Sumu 36:8 Referans Kwoze

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 65:4

Ŵakukondwa mbeniwo imwe musankha, wo mutiŵajarika mumalo ghinu ghakupaturika! Tikakhorwanga ndi vyamampha vya mu nyumba yinu, vitumbiku vya mu nyumba yinu yakupaturika!

Yesaya 58:11

Ndipo Ambuya akamurongozganinge rutaruta, kugutiska khumbu linu ndi vyamampha, kukhomeska viwanga vinu, ndipo mukaŵanga uli ndi munda wakudiriya maji, nge nchisima cha maji, cho maji ghake kuti ghatuphwa cha.

Yesaya 25:6

Pa phiri lenili Ambuya ŵa maŵanja akachitiyanga ŵanthu wose dghera la vyakututuŵa, dghera la vinyo wapa visika, la vinthu vyakututuŵa vya mafuta ghakubwituka, la vinyo pa visika vyakukung'untha umampha.

Sumu 63:5

Mzimu wangu ukarghanga dghera, ndi kuguta, ndipo ndimbenge sumu zakukonda zakutumbika imwe.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Sumu 46:4

Kwe msinji wo maji ghake ghakondweska msumba waku Chiuta, uja wakupaturika wa wapachanya limu.

Yesaya 48:21

Ŵengavi kuvwa nyota penipo wanguŵarongozga ŵachiporota mu mabozwa; wangupopomeska maji ghakumwa iwo, kutuwa ku jarawe; wanguwaruwa jarawe ndipo maji ghangupopome kubwalo.

Jobu 20:17

Kuti wakalereskanga pa misinji cha, tumusinji twakuzazika ndi uchi, ndi mafuta.

Yohane 7:37

Zuŵa lakumariya, la dghera, lenga zuŵa likuru, wanguma Yesu ndipo wangukambura, wakuti, “Asani munthu we ndi nyota, waze kwaku ine, ndi wamwe.

Yesaya 43:20

Nyama za mudondo zikanditumbikanga, ŵakambwe ndi makungundembo; pakuti ndipaska maji mubozwa, misinji mu charu chachiparamba, kupaska kumwa ku ŵanthu ŵangu ŵakusankhika,

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Sumu 17:8

Ndisungeni nge nkhana ka jisu; mundibise mu mduzi wa mapapiku ghinu,

Sumu 31:20

Mwaŵabisa mu chakubisamamo cha uŵapo winu, ku viŵembu vyaŵanthu; mwaŵakoreze umamphavi kusi ku chivwinkhu chinu, ku kukweŵeskana kwa malilime.