Sumu 36:4 - Tonga Bible 1986

⁴ Watata utimbanizi pa chakurapo chake; wajimiska mu nthowa yo kuti njamampha cha; uheni kuti wapata cha.

Sumu 36:4 Referans Kwoze

Mika 2:1

Owe kwaku wo ŵaghanaghana ubendezi ndi kuchita uheni pa ŵagonapa vita vyawo! Kuchicha ndi mlenji ŵatuwuchita chifukwa we munthazi za janja lawo.

Nthanthi 4:16

Pakuti ŵangagona cha kwambura kuti ŵachita chiheni; ŵapokeka tulo kwambura kuti ŵaguŵiska munthu.

ŴaRoma 12:9

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

Yesaya 65:2

Ndingutambaruwa manja ghangu zuŵa lose ku ŵanthu ŵakugaruka, wo ŵatenda mu nthowa yo kuti njamampha cha, ŵakurondo fundu zaŵeneko ŵija;

Chivumbuzi 2:2

“ ‘Ndiziŵa nchitu zako, kutakataka kwako ndi unkhunthiya, ndiziŵa kuti ungakunthiyapo ndi ŵanthu ŵaheni cha, ndi kuti unguŵesa wo ŵatijitamula ŵakutumika, kweni kuti mbaviyo cha, ŵabowozgeka kuti mbatesi;

Sumu 97:10

Ambuya atanja ŵakutinkha uheni: avikiriya maumoyo gha ŵanthu ŵawo, atiŵataska ku nthazi ya ŵaheni.

ŴaRoma 1:32

ŵeniwo, pakuziŵa cheruzgu chaku Chiuta, chakuti ŵakuchita vyaviyo mbakwenere nyifwa, kuti ŵavichita pe cha, kweni ŵazomerezgana so ndi ŵeniwo mbakuvichita.

Machitidu gha Ŵakutumika 23:12

Ndipo kwati kwaŵa msana, ŵaYuda wo ŵangumotoka, ndipo ŵangujirapiya ndi tembu, ndi kukamba kuti ŵangargha chingana nkhumwa cha mpaka ŵambaya Paulo.

Mateyu 27:1

Ndipo kwati kwacha wose ŵazukuru ŵara ndi ŵara ŵa khamu lo ŵangupanga upu paku Yesu, kwachimbaya;

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Yeremiya 8:6

Ine ndaphwere ndi kutegherezga, kweni kuti ŵakamba kwakurunjika cha; palivi munthu yo wang'anamuka ku uheni wake, kunena kuti, ‘Nchine cho ndachita?’ Munthu yose wawere ku nthowa yake, nge ndi kavalo wakuchimbiriya mu nkhondo.

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’

Nthanthi 24:23

Yagha nagho ndi mazu ghakukamba ŵazeru. Kweruzga kwambura kufikapo kuti nkhwamampha cha.

Sumu 52:3

Utanja uheni kwakuruska umampha, kukamba utesi kwakuruska uneneska.

Sumu 38:12

Wo ŵapenja umoyo wangu ŵatuthya viŵana vyawo, wo ŵakhumba kundipweteka ŵarongoro matuntha ghaheni, ndipo ŵaghanaghana vya chiŵembu zuŵa lose.

Jobu 15:16

kwe uli ku munthu wakuchita vyaukazuzi ndi vyawaka, munthu yo watumwa kwananga nge ndi maji!

Estere 6:4

Ndipo karonga wanguti, “Ndiyani wemu bwalo?” Sono Hamani wangusere mu luluwa la kubwalo la nyumba ya karonga kuti wakambe ndi karonga kuti Mordikayi wapayikike pa muti wo wangulongoso.

Estere 5:14

Ndipo Zeresi muwoli wake, ndi mabwezi ghake ghose ŵanguti kwaku iyo, “Muti wakupayikapo ŵanthu uchitike wa mikono machumi gha nkhonde (50) utali wake, ndipo mawa ukambe ku karonga kuti Mordikayi wapayikike pakuweniwo; iwe ukasere ku dghera wakukondwa pamoza ndi karonga.” Chinthu ichi chingumkondweska Hamani, ndipo wangulangula kuti muti wo ulongosoreke.

1 Samuele 19:11

Usiku uwa Sauli wangutuma mathenga ku nyumba yaku Davidi kwachimukhazga, mwakuti wamubaye ku mlenji. Kweni Mikala, muwoli, waku Davidi, wangumunene, “Asani ureka kutaska umoyo wako usiku unu mawa ukabayikanga.”

Nthanthi 24:2

pakuti miwongo yawo yipanga ukari ndipo milomo yirongoro za urwani.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”