Sumu 35:10 - Tonga Bible 1986

¹⁰ Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

Sumu 35:10 Referans Kwoze

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Sumu 109:31

chifukwa ŵavikiriya msauchi ndi kumutaska kwaku wo ŵatimweruzgiya ku nyifwa.

Sumu 86:8

Kulivi Chiuta nge ndimwe Ambuya mu ŵachiuta nanga njumoza kulivi yo wangaziŵa kuchita vyo imwe muchita.

Sumu 71:19

Urunji winu, Chiuta ufika ku mitambo. Vyo mwachita, mwachita vikuru ukongwa; kulivi nanga njumoza wakuyana namwe!

Sumu 51:8

Ndizazeni chimwemwe ndi kukondwere; vyangare viwanga vyo mwaphwanya.

Sumu 18:17

Angundipozomoska ku murwani wangu wanthazi, kwaku wo ŵangunditinkha; pakuti kwangu ŵenga ŵanthazi, ukongwa.

Sumu 38:3

Mulivi umusuma mu liŵavu langu chifukwa cha kandundu kinu; mu viwanga vyangu mulivi umoyo chifukwa cha uheni wangu.

Sumu 34:20

Asunga viwanga vyake vyose; kuti chifyokapo nanga nchimoza cha.

Sumu 32:3

Ine po ndengavi kuzomera kwananga kwangu liŵavu langu lenga lakonda; chifukwa cha kutamantha kwangu kwa zuŵa lose.

Sumu 22:14

Ndapungulika nge ndi maji, ndipo vyagweduka vyose viwanga vyangu; mtima wangu waŵa nge ndi phura, wasongonoka mukati mu chifuŵa changu;

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Yesaya 40:25

Na sono mundiyaniskenge ndi yani, kuti ndikozgani nayo? watiti Mtuŵa Yumoza yo.

Yesaya 40:18

Na nkhwakuyani ko mumuyaniskenge Chiuta, pamwenga nchikozgu nichi chakumuyaniskiyapo?

Sumu 102:3

Pakuti mazuŵa ghangu gharuta nge ndi usi; liŵavu langu linyeka nge ndi nkhuni ku moto.

Sumu 69:33

Ambuya atuvwa ŵasauchi, ndipo kuti apata wo mbawo cha nanga ŵaŵe mu kumangika.

Sumu 37:14

Ŵaheni ŵasoro lipanga, ŵatweŵa mauta ghawo, kuwiskiya pasi mukavu ndi musauchi, kubaya ŵakwenda kwakurunjika.

Sumu 34:6

Musauchi uyu wangubongo, ndipo Ambuya angumuvwa, angumtaska mu visuzgu vyake vyose.

Sumu 22:24

Chifukwa kuti wanguyeya chingana nkhutinkha cha suzgu ya wakusuzgika; nanga nkhumubisiya chisku chake, kweni wanguvwa, po wanguliriya kwaku iyo.

Yeremiya 10:7

Njani yo wangareka kumopani imwe, mwa Karonga ŵa mitundu? Pakuti mwe ŵakwenere kopeka; mukati mu ŵazeru wose ŵa mitundu ya ŵanthu ndi mu maufumu ghawo ghose mulivi wakuyana ndi imwe.

2 Samuele 22:18

Angundipozomoska ku murwani wangu wanthazi, kwaku wo ŵangunditikha, chifukwa kwangu ŵenga ŵanthazi ukongwa.

Sumu 51:10

Mtima wakutowa mundilenge, A Chiuta, ŵikani mukati mwangu mzimu ufya ndi wakunyoroka.

Sumu 103:6

Ambuya achita urunji ndi cheruzgu paku wose ŵakukandirizgika.

Sumu 140:13

Nadi ŵarunji ŵakarumbanga imwe; wakajanga pa maso pinu.

Sumu 146:7

wateruzga umampha ŵakusuzgika ndipo wapaska kurgha ku ŵanja. Ambuya afwatuwa ŵakumangika.

Yeremiya 20:13

Mbiyani Ambuya; Rumbani Ambuya! Pakuti ataska umoyo wa ŵakusuzgika ku janja la wakuchita uheni.