Sumu 34:18 - Tonga Bible 1986

¹⁸ Ambuya ŵepafupi ku ŵakusweka mtima, ndi kuwombo mizimu yakutekenyeka.

Sumu 34:18 Referans Kwoze

Sumu 147:3

Achizga mitima ya kusweka, ndi kumanga mabara ghawo.

Sumu 145:18

Ambuya epafupi kwaku wose wo ŵatiŵadana, wo ŵatiŵadana mu uneneska.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Sumu 51:17

Sembe yakurondeka ndi Chiuta ndi mzimu wakusweka; mtima wakusweka ndi wakupe, A Chiuta, imwe kuti muyeyenge cha.

Ezekiele 36:26

Ndikupaskeninga mtima ufya, ndipo mzimu ufya ndiŵikenge mukati mwinu, ndituzgenge muliŵavu linu mtima wa mwa ndikumupaskani mtima wamnofu.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Sumu 85:9

Nadi utaski wawo wepafupi ku ŵakumopa, kuti unkhankhu wawo uje mu charu chidu.

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Sumu 119:151

Kweni imwe mwe pafupi nane, Ambuya, ndipo malangulu ghinu ghose ngakuneneska.

2 ŴaKaronga 22:19

chifukwa mtima wako wenga wakuzomera, ungujiyuyuwa paurongo pa Ambuya, unguti wavwa mo ndingukambiya kumikana ndi malo yagha, ndi kumikana ndi ŵakujamo mwaku gho, kuti ŵakaŵanga mapopa ndi thembu ndipo iwe unguparuwa vivwaro vyako ndipo unguliya paurongo pangu, Ine nane ndakuvwa, atiti Ambuya.

Ezekiele 36:31

Penipo ndipo mukakumbukanga nthowa zinu, ndi nchitu zinu kuti zenga ziheni, sono mukajitinthanga mwaŵeni chifukwa cha maukazuzi ndi milimu ya maunyakazi ghinu.

Sumu 75:1

Titumuwongani, A Chiuta, titumuwongani. Titaula ndi ukuru winu; ndi kukamba milimu yinu yakuziziswa yo mwachita!

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

Sumu 145:19

Afiska likhumbira laku wose wo ŵati ŵawopa; atuvwa kuliya kwawo ndi atiŵataska.