Sumu 33:6 - Tonga Bible 1986

⁶ Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Sumu 33:6 Referans Kwoze

ŴaHebere 11:3

Ndi chivwanu titeska kuti vyaru vyo vyachitika ndimazu ghaku Chiuta, viyo kuti cho chiwoneka chirive kuŵapo kutuwa ku vyakuwoneka.

2 Petro 3:5

Chifukwa ŵaruwiya dara chenichi, chakuti ndi mazu ghaku Chiuta machanya ghanguŵako ku mwaka, ndi mtunda ungutuwa ku maji,

Jobu 33:4

Mzimu waku Chiuta wandilenga, ndipo mvuchi wa Wanthazizose utindipaska umoyo.

Sumu 33:9

Pakuti angukamba, ndipo kunguŵa viyo; angulangula, ndipo chingumiskika.

Chiyambo 2:1

Viyo machanya ndi charu chapasi vingumara, ndi maŵanja ghawo ghose.

Chiyambo 2:7

Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

Yohane 20:22

Ndipo wati wakamba ichi, wanguŵauziriya wanguti kwaku wo, “Rondeni Mzimu Wakupaturika.

Chiyambo 1:6

Ndipo Chiuta wanguti, “Uŵepo mtambo pakati pa maji ndi upatuwe maji ku maji.”

Jobu 26:13

ndi mzimu wake machanya ghanguchitika ghakutowa janja lake linguswa njoka yakunyongoroka yamu nyanja.

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

ŴaRoma 1:25

mwakuti iwo ŵangusinthiskana uneneska waku Chiuta ndi chautesi, ndipo ŵangusopa ndi ŵanguteŵete chakulengeka kwakuruska Mlengi yo, mweniyo ngwakutumbikika muyaya. Ameni.

Sumu 104:30

Kweni asani mwavipaska mvuchi, vituŵa ndi umoyo; mupaska umoyo ufya ku charu.

Chiyambo 1:1

Mu chiyambo Chiuta wangulenga kuchanya ndi charu chapasi.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Yeremiya 10:16

Wa chigawa chaku Yakobe kuti wakozgana ndi yaŵa cha, pakuti ndiyo wangwata vinthu vyose, ndipo Yisraele ndi khamu lake lakusankhika; Ambuya ŵamaŵanja ndilo zina lawo.