Sumu 31:5 - Tonga Bible 1986

⁵ Mu janja linu ndipereka mzimu wangu; mwandiwombo, Ambuya, Chiuta wamagomekezgeka.

Sumu 31:5 Referans Kwoze

Luka 23:46

Ndipo Yesu, wakubongo ndi mazu ghakuru, wanguti, “Ada, mu manja ghinu ndiŵika mzimu wangu!” Ndipo wanguti wanena chenichi wangumara mtima.

Machitidu gha Ŵakutumika 7:59

Ndipo ŵachimudina ndi mya Stefano, wanguromba, wakuti, “Ambuya Yesu, rondani mzimu wangu.”

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Sumu 71:23

Milomo yangu yikamburenge ndi chimwemwe, po nditumumbiyani marumbu; ndikuŵerenge ndi unthu wangu wose, chifukwa imwe mwandiwombo.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Tito 1:2

mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

2 Timote 2:13

asani tiura kuvwana, wajaririya iyo wamagomekezgeka; chifukwa kuti waziŵa cha kujikana mweneko.

Sumu 130:8

Ndipo akawombonga Yisraele ku maubendezi ghake ghose.

ŴaLevi 25:48

pavuli pakujiguliska wangaziŵa kuwomboleka, yumoza wa ŵana ŵanyake wangaziŵa kumuwombo,